បរទេស៖ ក្រុម Paris Saint-Germain បានបាត់បង់ឱកាសក្នុងការឡើងទៅឈរនៅលើកំពូលតារាងនៃក្របខ័ណ្ឌ Ligue 1 កាលពីថ្ងៃអាទិត្យ ក្រោយពីបានរងបរាជ័យដ៏មិននឹកស្មានដល់ក្នុងលទ្ធផល ២-១ លើទឹកដីខ្លួនឯងក្រោមស្នាដៃក្រុម Nantes ក្រោយពីក្រុម Lille បានរក្សាពិន្ទុនាំមុខរបស់ខ្លួន បើទោះបីទទួលលទ្ធផលស្មើ ០-០ ជាមួយនឹងក្រុម Monaco ក៏ដោយ។
‘ក្រុមការពារជើងឯកមួយនេះ មានឱកាសក្នុងការដណ្តើមយកចំណាត់ថ្នាក់លេខ១ពីក្រុម Lille តាមរយៈការមានគ្រាប់បាល់ស៊ុតបញ្ចូលទីច្រើនជាង ប៉ុន្តែគ្រាប់បាល់ស៊ុតបញ្ចូលទីពីសំណាក់កីឡាករ Randal Kolo និង Moses Simon បានលុបចោលគ្រាប់បាល់នាំមុខរបស់ PSG នៅតង់ទី១ ដែលបានកើតឡើងតាមរយៈកីឡាករ Julian Draxler និងផ្តល់ការរងបរាជ័យលើទឹកដីខ្លួនឯងជាលើកទី៤ក្នុងរដូវកាលនេះ សម្រាប់ក្រុម PSG។
Lille នៅតែស្ថិតក្នុងចំណាត់ថ្នាក់លេខ១លើតារាង និងនាំមុខ៣ពិន្ទុលើក្រុម PSG និង Lyon ដែលអាចត្រឹមតែបញ្ច់ក្នុងលទ្ធផលស្មើនៅលើទឹកដីក្រុម Reims កាលពីថ្ងៃសុក្រ។ ក្រុម Nantes បានឡើងផុតពីតំបន់កាត់ចោល ក្រោយពីដណ្តើមបានជ័យជម្នះជាលើកទី៥ របស់ខ្លួន តាមរយៈការនាំមុខ១ពិន្ទុលើក្រុមស្ថិតក្នុងតំបន់កាត់ចោល៕
ប្រភពព័ត៌មាន៖ Channel News Asia
