បរទេស៖ គ្រាប់បាល់ប៉េណាល់ទីរបស់ Kylian Mbappe បានក្លាយជាគ្រាប់បាល់កាត់សេចក្តី ខណៈដែលក្រុម Paris Saint-Germain បានផ្តួលគូប្រកួតដ៏ជូរចត់របស់ខ្លួន Marseille ក្នុងលទ្ធផល ២-១ កាលពីថ្ងៃអាទិត្យ ដែលមានន័យថា ពួកគេអាចនឹងលើកពាន Ligue 1 នៅសប្តាហ៍នេះ។
Mbappe បានស៊ុតបាល់លពិន័យ១១ម៉ែត្រ នៅជិតបញ្ចប់ការប្រកួតក្នុងតង់ទី១ ក្រោយពីអាជ្ញាកណ្តាល បានផ្តល់បាល់ប៉េណាល់ទី ចំពោះការធ្វើឲ្យដៃប៉ះពាល់ ក្រោយពីការពិនិត្យឡើងវិញតាមរយៈវីដេអូជំនួយការអាជ្ញាកណ្តាល (VAR) ដើម្បីរក្សាការនាំមុខរបស់ក្រុម PSG ក្រោយពីគ្រាប់បាល់បើកឆាករបស់ Neymar និងគ្រាប់បាល់តាមស្មើរបស់ Duje Caleta-Car។ PSG កំពុងតែនាំមុខ១៥ពិន្ទុដាច់ លើក្រុមលេខ២ Marseille ខណៈដែលនៅសល់ការប្រកួត៦លើកទៀត ហើយក្រុមរបស់លោក Mauricio Pochettino ដែលក៏មានគ្រាប់បាល់ស៊ុតបញ្ចូលទីដ៏ច្រើនដែរនោះ ត្រៀមរួចរាល់ក្នុងការដណ្តើមបានត្រឡប់មកវិញ ក្រោយពីពួកគេបានបាត់បង់ពានក្រោមស្នាដៃក្រុម Lille កាលពីរដូវកាលមុន។
ប្រសិនបើក្រុម Marseille មិនអាចផ្តួលក្រុម Nantes នៅថ្ងៃពុធ សប្តាហ៍នេះទេនោះ ក្រុម PSG នឹងឈ្នះពាន Ligue 1 លើកទី៨ ជាផ្លូវការ ក្នុងចំណោម១០រដូវកាល ប្រសិនបើពួកគេអាចដណ្តើមបានលទ្ធផលល្អប្រសើរជាងគូប្រកួតដ៏ប្រកៀកបំផុតរបស់ពួកគេ នៅពេលដែលពួកគេប៉ះជាមួយនឹងក្រុម Angers៕
ប្រភពព័ត៌មាន៖ Channel News Asia
