បរទេស៖ Son Heung-min បានរងរបួសក្រោយចូលលេងបានត្រឹមតែ ១៩ នាទីក្នុងការប្រកួតជំនួបក្លឹបរួមទី ក្រុងឡុងដ៍ភាគខាងជើងដោយចាញ់ក្រុម Arsenal ក្នុងលទ្ធផល២ទល់និង១។ប្រធានក្រុមជម្រើសជាតិកូរ៉េខាងត្បូងរូបនេះបានព្យាយាមលេងនៅដើមតង់ទី ១ ក៏ប៉ុន្តែបញ្ហារបួសបានតម្រូវអោយរូបគេត្រូវប្តូរចេញនិង ជំនួសមកវិញ ដោយកីឡាករអន្តរជាតិអាហ្សង់ទីន Erik Lamela ដែលបានរកគ្រាប់បាល់បើកឆាកមុនពេលត្រូវបានបណ្តេញចេញ។
Son ដែលមានបញ្ហារបួសសរសៃពួរជាសញ្ញាមួយដ៏គួរឱ្យព្រួយបារម្ភសម្រាប់Tottenham ខណៈក្រុមលោក Mourinho កំពុងរង់ចាំលទ្ធផលវេជ្ជសាស្រ្តយ៉ាងអន្ទះសាដើម្បីដឹងពីស្ថានភាពរបួសរបស់កីឡាករវ័យ ២៨ ឆ្នាំរូបនេះ ដែលបានដើរតួនាទីយ៉ាងសំខាន់បំផុតសម្រាប់ក្លឹបកន្លងមក និង រយៈពេលដែលនៅសល់។
Son នឹងខកខានការប្រកួត Europa League វគ្គ ១៦ ក្រុមចុងក្រោយនៅ ថ្ងៃព្រហស្បតិ៍ជាមួយក្រុម Dynamo Zagreb មុនពេលជួប Aston Villa នៅថ្ងៃអាទិត្យ។ Son រកបានគ្រាប់បាល់១៣ដង និង បង្កើតឪកាសបញ្ចប់ទី៩ ដងនៅក្របខណ្ឌ Premier League ក្នុងរដូវកាលនេះ ស្របពេលលោក Jose Mourinho សង្ឃឹមថាខ្សែប្រយុទ្ធឆ្នើមរបស់ខ្លួននិងវិលត្រឡប់មកវិញឆាប់ៗនេះ៕
ប្រភពព័ត៍មាន៖ Sportsmole