បរទេស៖ Eden Hazard និងត្រូវអវត្តមានក្នុងការប្រកួតក្របខណ្ឌ Champions League ពេល Real Madrid ជួបប្រកួតជាមួយ Atalanta បន្ទាប់ពីរងរបួសសាច់ដុំសាជាថ្មី។
ខ្សែបម្រើអន្តរជាតិបែលហ្សិក Hazard ទើបតែវិលត្រលប់មកបង្ហាញខ្លួនវិញ ក្រោយអវត្តមានលើទីលានអស់រយៈពេល ២ ខែក្នុពេលផ្តួលក្រុម Elche ក្នុងលទ្ធផល ២ទល់និង១កាលពីថ្ងៃសៅរ៏។ អតីតកីឡាក្រុមតោខៀវ Chelsea រូបនេះក៏បានបន្តវិលត្រលប់មកហ្វឹកហាត់ជាមួយក្រុមឈុតធំជម្រើសដំបូង កាលពីថ្ងៃច័ន្ទផងដែរមុនពេលត្រូវបានក្រុមការពារតំណែងជើងឯក La Liga ប្រកាសពីពត៌មាននេះយ៉ាងដូច្នេះថា បន្ទាប់ពីឆ្លងកាត់ការធ្វើតេស្ត នៅថ្ងៃនេះ ដោយក្រុមគ្រូពេទ្យប្រចាំក្លឹប Hazard មានបញ្ហារបួសនៅសាច់ដុំខាងស្តាំ។
ដូច្នេះចាំបាច់និងត្រូវធ្វើការវាយតម្លៃជាមួយការព្យាបាលដើម្បីឆាប់បានជាសះស្បើយនៅពេលខាងមុខ។ Real Madrid មានឪកាសរកគ្រាប់បាល់សម្រាប់ការប្រកួតជើងទី១ Champion League នៅប្រទេសអ៊ីតាលីក្រោយយក ឈ្នះក្នុងលទ្ធផល ១ទល់និង០កាលពីជើងទី១៕
ប្រភពព័ត៍មាន៖ Goal
