បរទេស៖ លោក Jurgen Klopp បានបង្ហើបប្រាប់ថាខ្សែប្រយុទ្ធ Robert Lewandowskiបច្ចុប្បន្នលេងអោយក្រុម Bayern Munich គឺជាកីឡាករដែលមានទេពកោសល្យ និង ឆ្លាតវៃបំផុតកំលុងពេលដែលខ្លួនធ្លាប់បង្វឹក កីឡាករឆ្នើមៗជាច្រើនរូបកន្លងមក ជាពិសេសពេលនៅក្រុម Borussia Dortmund។
ទោះយ៉ាងណាកីឡាករវ័យ៣២ឆ្នាំរូបនេះគឺជាបុគ្គលដែលលេចធ្លោជាងគេបំផុតសម្រាប់អ្នកចាត់ការទូទៅវ័យ ៥៣ ឆ្នាំរូបនេះបានពណ៌នាប្រាប់គេហទំព័រ Bild យ៉ាងដូច្នេះថា៖ «មិនមែនជារឿងស្មើភាពនោះទេបើនិយាយពីកីឡាករដទៃទៀត ដែលមានសមត្ថភាពល្អជាងគាត់ (Lewandoski)។ ការជំរុញទឹកចិត្តខ្លួនឯងឱ្យក្លាយជាកីឡាករដែលល្បីល្បាញមកទល់សព្វថ្ងៃនេះ។ ហើយមិនមែនជាសមត្ថភាព រឺទេពកោសល្យតែមួយមុខទេ ប៉ុន្តែក្រមសីលធម៌ការងារនិងការប្តេជ្ញាចិត្តគឺនាំអោយ Lewandowski ទទួលបានលទ្ធផលជាទីមោទនភាពនៅពេលនេះ»។
គួរំលឹកថាគ្រូបង្វឹកក្រុមហង្សក្រហមសញ្ជាតិអាឡឺម៉ង់រូបនេះក៏ ធ្លាប់មានស្នាដៃកំលុងពេលរួមការងារជាមួយខ្សែ ប្រយុទ្ធដែលជាប្រធាន ក្រុមជម្រើសជាតិប៉ូឡូញពេលជួយអោយ Dormtund លើកពាន Bundesliga ពីរឆ្នាំជាប់គ្នានៅរដូវកាល ២០១០-២០១១ និង ២០១១-២០១២មុនពេលជួយអោយ Liverpool ឈ្នះChampions League និង Premier League ជាលើកដំបូងកាលពីរដូវកាលចាស់។មួយវិញទៀត Lewandowski ទើបតែជួយអោយក្រុមការពារតំណែងជើងឯកទ្វីបអឺរ៉ុប Bayern Munich បន្តទៅវគ្គ៨ក្រុមចុងក្រោយ បន្ទាប់ពីរកគ្រាប់បាល់ក្នុងជំនួបផ្តួល Lazio ជើងទី២ កាលពីយប់មិញនេះ៕
ប្រភពព័ត៍មាន៖ Goal