បរទេស៖ Romelu Lukaku នឹងមានវត្តមានជួយក្រុមជម្រើសជាតិបែលហ្ស៊ិកបន្ទាប់ពីឆ្លងកាត់ការធ្វើតេស្តអវិជ្ជមានមេរោគ Covid-១៩ ក្រោយពីមានការផ្ទុះឡើងករណីនេះនៅក្លឹបរបស់ខ្លួន។ គួរបញ្ជាក់ថាការប្រកួតរបស់ Inter Milan ជាមួយSassuolo នៅលីកកំពូលអ៊ីតាលី កាលពី ថ្ងៃសៅរ៍ត្រូវបានពន្យាពេលបន្ទាប់ពីកីឡាករ ៤ នាក់រួមទាំងអ្នកចាំទី Samir Handanovic បានធ្វើតេស្តវិជ្ជមាន។
ក្រុមដែលកំពូងនាំមុខកំពូលតារាងនៅក្របខ័ណ្ឌ Serie A ដំបូងឡើយបានដាក់បម្រាមហាមកីឡាករមិនឱ្យចាកចេញពីប្រទេសអ៊ីតាលីដើម្បីបំពេញកាតព្វកិច្ចសម្រាប់ក្រុមជម្រើសជាតិពួកគេរៀងខ្លួន។
ក្រុមជម្រើសជាតិបែលហ្ស៊ិកនិងចាប់ផ្តើមធ្វើការប្រកួតវគ្គជម្រុះព្រឹត្តការណ៏ពានរង្វាន់ World Cup របស់ពួកគេទល់នឹងប្រទេសវែលនៅថ្ងៃពុធនេះមុននិងជួបសាធារណរដ្ឋឆែកនៅទីក្រុងប្រាកនៅថ្ងៃសៅរ៍ចុងសប្តាហ៏និង ជាមួយបេឡារុស្សនៅផ្ទះរបស់ខ្លួននៅថ្ងៃអង្គារសប្តាហ៏ក្រោយ។ទោះយ៉ាងណា គ្រូបង្វឹក Roberto Martinez នឹងត្រូវលេងដោយអវត្តមានខ្សែបម្រើ-ប្រយុទ្ធ Eden Hazard របស់ក្រុម Real Madrid និងខ្សែបម្រើ Axel Witsel របស់ក្រុមDortmund ដោយសាបញ្ហារបួស៕
ប្រភពព័ត៍មាន៖ BBC
