បរទេស៖ ខ្សែប្រយុទ្ធ Romelu Lukaku របស់ក្លិប Chelsea នឹងចូលរួមជាមួយនឹងក្លិប Inter Milan វិញក្នុងលក្ខខណ្ឌខ្ចីជើង១ឆ្នាំ ក្រោយពីជួបពេលវេលាដ៏ខកចិត្តជាមួយនឹងក្លិបស្ថិតក្នុងក្របខ័ណ្ឌ Premier League មួយនេះ។
នេះបើយោងទៅតាមប្រពភពព័ត៌មាននានា។ Inter ត្រូវបានព័ត៌មានចេញផ្សាយថា បានចរចាក្នុងតម្លៃខ្ចីជើងចំនួន៨លានអឺរ៉ូ (ស្មើនឹង៨,៤លានដុល្លារអាមេរិក) ដើម្បីនាំយក Lukaku ដែលបានយល់ព្រមកាត់ប្រាក់ខែ ដើម្បីចាកចេញពីកីឡដ្ឋាន Stamford Bridge។ ខ្សែប្រយុទ្ធអន្តរជាតិបែលហ្ស៊ិករូបនេះ បានចូលរួមជាមួយនឹងក្លិប Chelsea ក្នុងតម្លៃខ្លួនជាកំណត់ត្រារបស់ក្លិបចំនួន៩៧,៥លានផោន នៅមុនពេលចាប់ផ្តើមរដូវកាលមុន ដោយចាត់ទុកថា ការផ្ទេរនេះ គឺជាការវិលទៅត្រឡប់ទៅផ្ទះវិញដ៏គួរឲ្យរំជួលចិត្ត ក្រោយពីរូបគេបានលេងឲ្យក្លិបតោខៀវនៅចន្លោះឆ្នាំ២០១១ ដល់ឆ្នាំ២០១៤។
ប៉ុន្តែ ក្រោយពីបានស៊ុតបាល់បញ្ចូលទី៤គ្រាប់ក្នុងការបង្ហាញខ្លួនទាំង៤លើកដំបូងរបស់គេ ពេលវេលាជាលើកទី២របស់កីឡាករវ័យ២៩ឆ្នាំរូបនេះ ជាមួយនឹង Chelsea ប្រែក្លាយទៅជាភាពជូរចត់ភ្លាមៗ។ Lukaku បានបញ្ចប់រដូវកាលមុន ក្នុងនាមជាអ្នករកគ្រាប់បាល់ច្រើនជាងគេរបស់ Chelsea តាមរយៈការរកបាន១៥គ្រាប់ ប៉ុន្តែ អតីតខ្សែប្រយុទ្ធរបស់ក្លិប Manchester United និង Everton រកបានត្រឹមតែ៨គ្រាប់គត់ ក្នុងការប្រកួតក្របខ័ណ្ឌលីគ៕
ប្រភពព័ត៌មាន៖ Channel News Asia
