បរទេស៖ Jesse Lingard បានបង្ហើបប្រាប់ថារូបគេបានទទួលដំបូន្មានពីលោក Gareth Southgate អោយបន្តលេងនៅក្របខ័ណ្ឌ Premier League និងតស៊ូដើម្បីរកបានកៅអីសម្រាប់ការប្រកួតពានរង្វាន់ទ្វីបអឺរ៉ុប Euro វគ្គផ្តាច់ព្រ័ត្រនាពេលខាងមុខនេះ។
ខ្សែបម្រើស្លាបរូបនេះបានចាកចេញពីក្លិបជើងឯកអង់គ្លេស២០សម័យទៅចូលរួមជាមួយក្លិប West Hamក្នុងលក្ខខណ្ឌខ្ចីជើងកាលពីខែមករា ២០២១ ក្រោយ ចូលលេងបានតែ ២ប្រកួតសម្រាប់ Man Utd នៅរដូវកាលនេះ។
ទោះលេងក្នុងលក្ខណ្ឌខ្ចីជើងកីឡាករអន្តរជាតិអង់គ្លេសរូបនេះ បានបង្ហាញទម្រង់លេង ទម្រង់លេងយ៉ាងល្អជាមួយក្លឹប មានមូលដ្ឋានទីក្រុងឡុងដ៍ភាគខាងកើតដោយបានស៊ុតបាល់បញ្ចូលទីចំនួន ៥ គ្រាប់និងបង្កើតឪកាសបញ្ចប់ទី ២ លើកក្នុងការបង្ហាញខ្លួនក្នុងក្របខ័ណ្ឌ Premier League ចំនួន ៧ លើក៕
ប្រភពព័ត៍មាន៖ Sportsmole
