បរទេស៖ ការប្រកួតជើងទី ១ វគ្គ ៨ ក្រុមចុងក្រោយក្របខណ្ឌ Champion league របស់ក្រុមហង្សក្រហម Liverpool ជាមួយនិងក្រុមអធិរាជស Real Madrid នឹងធ្វើឡើងនៅទីក្រុងម៉ាឌ្រីតរដ្ឋធានីរបស់អេស្បាញនៅខែក្រោយនេះ។
ព្រឹត្តការណ៏នេះអាចរៀបចំឡើងបន្ទាប់ពីរដ្ឋាភិបាលប្រទេសអេស្ប៉ាញបានដកបម្រាមរឹតបន្តឹងការធ្វើដំណើរពីចក្រភពអង់គ្លេសមកអេស្បាញនៅចុងខែមីនា២០២១នេះ។ ការប្រកួតនិងត្រូវធ្វើឡើងនៅកីឡាដ្ឋាន Alfredo Di Stefano របស់ក្រុម Real Madrid នៅថ្ងៃទី ៦ ខែមេសាក Santiago Bernabeu ដែលបច្ចុប្បន្នកំពុងធ្វើការអភិវឌ្ឍដ៏ធំមួយ។ គួរបញ្ជាក់ថាការរឹតត្បិតរវាងអេស្បាញនិងចក្រភពអង់គ្លេសត្រូវបានកំណត់ឡើងជាលើកដំបូងនៅក្នុងខែធ្នូបន្ទាប់ពីមានការព្រួយបារម្ភអំពីមេរោគកូវីត-១៩ បំលែងថ្មី ។ ទោះយ៉ាងណារដ្ឋាភិបាលអេស្បាញបានបញ្ជាក់នៅថ្ងៃអង្គារនេះថាវិធានការណ៍នឹងត្រូវបន្ធូរបន្ថយចាប់ពីថ្ងៃទី ៣០ ខែមីនានេះតទៅ។
មួយវិញទៀតការប្រកួតជើងទី ១ វគ្គ ៨ ក្រុមចុងក្រោយ Europa League របស់ក្រុម Man Utd ទល់នឹង Granada ត្រៀមនិងនៅធ្វើឡើងនៅកីឡដ្ឋាន Nuevo Los Carmenes របស់កអេស្បាញនៅថ្ងៃទី ៨ ខែមេសា៕
ប្រភពព័ត៍មាន៖ Sportsmole
