បរទេស៖ អាជ្ញាកណ្តាល Danny Makkelie បន្ទាប់ពីសុំទោសគ្រូបង្វឹកលោក Diego Santos រួចមករូបលោកបានបន្តធ្វើការសុំទោសជាសាធារណៈដល់កីឡាករ Cristiano Ronaldo និងក្រុមជម្រើសជាតិព័រទុយហ្កាល់បន្តទៀត បន្ទាប់ពីមិនអនុញ្ញាតឱ្យគ្រាប់បាល់ជ័យជំនះរបស់ខ្សែប្រយុទ្ធស្លាបរូបនេះ ក្នុងជំនួបពេលប្រកួតជាមួយនឹងស៊ែប៊ីវគ្គជម្រុះពានរង្វាន់ World Cup ២០២២កាលពីថ្ងៃសៅរ៏សប្តាហ៏មុន។ ទីបំផុតបុរសសញ្ជាតិហូឡង់រូបនេះបានសារភាពថាជាការសម្រេចចិត្តខុសក៏ព្រោះតែពេលនោះមិនមានប្រព័ន្ធ VAR និង Goal line កាត់សេចក្តីផងដែរ។
គួរបញ្ជាក់ថាការប្រកួតនេះក្រុមភ្ញៀវព័រទុយហ្កាល់មានឪកាសនាំមុខ ២ ទល់និង០ មុនពេលក្រុមម្ចាស់ផ្ទះមានឪកាសវាយបកតាមស្មើវិញមុនពេល Ronaldo មានឪកាសរកគ្រាប់បាល់ទី៣ជិតបញ្ចប់ការប្រកួត តែត្រូវបានបដិសធចោលនោះ។
វីដេអូគ្លីបត្រូវបានយកមកចាក់ផ្សាយឡើងវិញដែលជាភក្តតាងបញ្ជាក់ថាគ្រាប់បាល់របស់ប្រធានក្រុមជម្រើសជាតិ ព័រទុយហ្គាល់និងជាកីឡាករក្រុម Juventusបានចូលផុតខ្សែបន្ទាត់ទីទៅហើយ ខណៈខ្សែការពារ Aleksandar Mitrovic បានព្យាយាមស្លាយបាល់ចេញ។ទោះយ៉ាងណាហេតុការណ៏នោះលោក Makkelie បានគ្រវីដៃមិនទទួលស្គាល់លទ្ធផលនោះ ហើយបានផ្តល់កាតលឿងដល់ការតវ៉ារបស់ម្ចាស់ពានបាល់មាស៥សម័យរូបនេះបន្ថែមទៀត៕
ប្រភពព័ត៍មាន៖ Goal
