បរទេស៖ ខ្សែការពារ Harry Maguire រកបានគ្រាប់បាល់ឈ្នះនោជិតបញ្ចប់ការប្រកួត ខណៈដែលក្រុមបាល់ទាត់ជម្រើសជាតិអង់គ្លេស បានផ្តួលក្រុមជម្រើសជាតិប៉ូឡូញ ក្នុងលទ្ធផល ២-១ កាលពីថ្ងៃពុធ ដើម្បីដណ្តើមយកការគ្រប់គ្រងក្នុងការប្រកួតជម្រុះ World Cup វគ្គចែកពូលរបស់ពួកគេ តាមរយៈការយកឈ្នះ៣លើកពីការប្រកួតទាំង៣លើក។
ប្រធានក្រុម Harry Kane បានជួយឲ្យក្រុមរបស់លោក Gareth Southgate រកបានគ្រាប់បាល់នាំមុខមុន ពីការស៊ុតបាល់ប៉េណាល់ទី ប៉ុន្តែ ពួកគេមិនបានបង្ហាញពីកម្រិតលេងដ៏រឹងមាំឡើយនាកីឡដ្ឋាន Wembley និងបានរបូតគ្រាប់បាល់វិញនៅពេលដែលកីឡាករ Jakub Moder បានស៊ុតបាល់បំប៉ោងសំណាញ់ទី ក្រោយពីការធ្វេសប្រហែសរបស់ខ្សែការពារ John Stones។ ការដណ្តើមបានជ័យជម្នះដ៏ស្តួចស្តើងនេះ មានន័យថា អង់គ្លេស កំពុងនាំមុខលើកំពូលតារាងនៃពូល I ដោយមាន៩ពិន្ទុ ក្រោយពីបានកត់ត្រាជ័យជម្នះយ៉ាងកក់ក្តៅលើក្រុមជម្រើសជាតិសាំងម៉ារ៉ាំង និងក្រុមជម្រើសជាតិអាល់បានី។
មានតែក្រុមដែលបញ្ចប់ក្នុងចំណាត់ថ្នាក់លេខ១ក្នុងពូលប៉ុណ្ណោះ ដែលមានសិទ្ធិឈ្នះកៅអីទៅលេងក្នុងព្រឹត្តិការណ៍ World Cup ជុំផ្តាច់ព្រ័ត្រ នៅប្រទេសកាតា នាឆ្នាំក្រោយ។ លោក Southgate បានប្រាប់ទូរទស្សន៍ ITV ថា៖ «យើងពិតជាលេងបានល្អនៅតង់ទី១ យើងបានគ្រប់គ្រងការប្រកួតនេះ និងផ្តោតលើការរកគ្រាប់បាល់ដូចដែលយើងបានធ្វើលើក្រុមនេះ»៕
ប្រភពព័ត៌មាន៖ Channel News Asia