បរទេស៖ ស្លាក់សញ្ញាសម្គាល់ប្រធានក្រុមជម្រើសជាតិព័រទុយហ្គាល់របស់កីឡាករ Cristiano Ronaldo ដែលត្រូវបានរូបគេដោះចេញពីដៃរួចបោះចោលទៅលើដីបន្ទាប់ពីការប្រកួតជម្រុះ World Cup ២០២២ ជាមួយជម្រើសជាតិស៊ែប៊ីនៅទីក្រុង Belgrade កាលពីថ្ងៃសៅរ៏សប្តាហ៍មុនហើយ ប្រកួតព័រទុយហ្កាល់បានត្រឹមស្មើ Serbia ២ទល់និង២ ។ ហើយពេលនេះវត្តុដែលគិតថាជារបស់គ្មានតម្លៃកំពុងត្រូវបានគេយកមកដាក់ធ្វើការដេញថ្លៃគោលបំណងប្រមូលថវិកាដើម្បីសកម្មភាពមនុស្សធម៌ព្យាបាលទារកវ័យ៦ខែម្នាក់។
ម្ចាស់ពានបាល់មាស (Ballon D’or)៥សម័យបានបង្ហាញអការៈខឹងសម្បារមិនអាចទប់អារម្មណ៏អោយស្ងប់បាន ក្រោយត្រូវ បាន អាជ្ញាកណ្តាលកាត់សេចក្តីមិនបានផ្តល់គ្រាប់បាល់បញ្ចូលទីជិតបញ្ចប់ការប្រកួត ហើយថែមទាំងបានផ្តល់កាតលឿងដល់រូបគេបន្ថែមទៀត ក្រោយមានការតវ៉ាយ៉ាងតឹងសរសៃក។ភ្លាមៗនោះខ្សែប្រយុទ្ធស្លាបក្រុម Juventus បានសម្រេច ដើរចេញពីទីលានទាំងនៅមិនទាន់បញ្ចប់ការប្រកួតហើយដកស្លាកសញ្ញាសំគាល់ប្រធានក្រុមនៅពាក់ដៃខាងឆ្វេងបោះទៅ លើដីវាលស្មៅ។
គួររំលឹកថាបន្ទាប់ពីព្រឹត្តការណ៏ប្រកួតបានបញ្ចប់បុគ្គលិកមិនស្គាល់អត្តសញ្ញាណដែលធ្វើការនៅកីឡាដ្ឋាននោះបានរើសយកវាមកទុក ហើយឥឡូវនេះអង្គការសប្បុរសធម៌មួយក្នុងស្រុកបានយកមកដាក់តាំងគោលបំណងដើម្បីធ្វើការដេញថ្លៃ រៃអង្គាសយកប្រាក់នោះមកព្យាបាល ទារកដែលមានដើមកំណើតក្នុងប្រទេសស៊ែប៊ីមានជំងឺនិងត្រូវធ្វើការវះកាត់សាច់ដុំឆ្អឹងខ្នងជាចាំបាច់ដើម្បីសង្គ្រោះជីវិតនោះ៕
ប្រភពព័ត៍មាន៖ Goal
