បរទេស៖ ខ្សែបម្រើ Jesse Lingard នៅតែបង្ហាញទម្រង់លេងបានល្អបំផុតជាមួយការប្រើប្រាស់ល្បឿន​ដោយការអូសបាល់ពីពាក់កណ្តាល​តារាងបន្ទាប់ពីការបញ្ជូនរបស់មិត្តរួមក្រុម Coufal ដោយស៊ុតបញ្ចូលទីបើកឆាកអោយក្រុមភ្ញៀវ West Ham យកឈ្នះលើម្ចាស់ផ្ទះ Wolves ក្នុងលទ្ធផល៣ទល់និង២កាលពីយប់ថ្ងៃច័ន្ទ និង ជាសប្តាហ៏ទី៣០នៅក្របខណ្ឌ Premier League ។

កីឡាករវ័យ ២៨ ឆ្នាំរូបនេះបានវិលត្រលប់មកជួយក្រុមញញួរធំវិញបន្ទាប់ពីបំពេញកាតព្វសម្រាប់ក្រុមជម្រើសជាតិអង់គ្លេស​បានចូលលេងក្នុងវគ្គជម្រុះ World Cup ២០២២ក្នុងជ័យជំនះទាំងបីប្រកួតកាលពីសប្តាហ៏មុន។​

Lingard បានបន្តបង្ហាញទម្រង់លេងឡើងជើងជាបន្តបន្ទាប់ពីត្រូវអាណាព្យាបាលបិសាចក្រហម Man Utd  អោយWest Ham ខ្ចីជើងកាលពីខែមករា​ដោយរកបាន៦គ្រាប់និងបង្កើតឪកាសបញ្ចប់ទីដល់៣លើកជាមួយក្រុមមាន​មូលដ្ឋាននៅទី​ក្រុង​ឡុងដ៏​មួយនេះ៕

ប្រភពព័ត៍មាន៖ Sportbible