បរទេស៖ ក្លឹបញញួរធំ West Ham United នឹងធ្វើអ្វីៗគ្រប់យ៉ាងតាមដែលអាចធ្វើទៅបាន ដើម្បីចុះហត្ថលេខានាំយក កីឡាករ Jesse Lingard ពីក្រុម Man United ជាអចិន្ត្រៃយ៍នារដូវក្តៅនេះ។
ខ្សែបម្រើអន្តរជាតិអង់គ្លេសបានបង្ហាញទម្រង់លេងបានល្អ នៅក្របខ័ណ្ឌ Premier League ចំនួន ៨ លើកបន្ទាប់ពីបានចូលរួមជាមួយក្រុមមានមូលដ្ឋាននៅទីក្រុងឡូងដ៏ កាលពីខែមករាដោយស៊ុតបញ្ជូលទីបាន៦ គ្រាប់ផងដែរ។កាលពីសប្តាហ៏មុន កីឡាករវ័យ ២៨ ឆ្នាំទើបតែបញ្ចេញសមត្ថភាពអូសបាល់ពាក់កណ្តាលតារាងស៊ុតបញ្ជូលទីបើកឆាកក្នុងជ័យជម្នះ ៣-២ លើក្រុម Wolverhampton កាលពីយប់ថ្ងៃច័ន្ទ។
ក្រុមប្រឹក្សាភិបាលជាន់ខ្ពស់របស់ West Ham បានប្រាប់ទូរទស្សន៍ Sky Sports News ថា «យើងត្រៀមធ្វើអ្វី គ្រប់យ៉ាងដើម្បីនាំយកគាត់មកចូលរួមជាមួយពួកយើង ព្រោះគាត់ជួយយើងបានច្រើន»។ Lingard កំពុងដើរតួយ៉ាងសំខាន់ក្នុងការជួយក្រុមដណ្តើមយកកៅអីទៅលេងនៅក្របខណ្ឌ Champions League រដូវកាលថ្មីផងដែរ។ Lingard បច្ចុប្បន្នមានកិច្ចសន្យាជាមួយក្លឹប Man United រហូតដល់ឆ្នាំ ២០២២ស្របពេលអតីត ខ្សែការពារ ក្រុមបិសាចក្រហម Gary Neville ជឿជាក់ថាក្លឹបចង់អោយ Lingard ត្រលប់មកវិញបន្ទាប់ពីបង្ហាញទម្រង់លេងគួរអោយចាប់អារម្មណ៍នៅ West Ham នោះ៕
ប្រភពព័ត៍មាន៖ Sportsmole
