បរទេស៖ ក្រុមបិសាចក្រហម Manchester United បានផ្តួលក្រុមអេស្ប៉ាញ Granada ក្នុងលទ្ធផល ២-០ ក្នុងការប្រកួតជើងទី១នៃក្របខ័ណ្ឌ Europa League វគ្គ៨ក្រុមចុងក្រោយរបស់ពួកគេ កាលពីថ្ងៃព្រហស្បតិ៍ ស្របពេលដែលក្រុម Arsenal របូតគ្រាប់បាល់តាមស្មើនៅជិតបញ្ចប់ការប្រកួត ក្នុងពេលបញ្ចប់ក្នុងលទ្ធផលស្មើ ១-១ នៅលើទឹកថដីខ្លួនឯង ក្រោមស្នាដៃក្រុមក្រុមម្ចាស់ជើងឯកឆែក Slavia Prague។
ខ្សែប្រយុទ្ធ Marcus Rashford បានទទួលបាល់បញ្ជូនពីចម្ងាយ ពីកីឡាករ Victor Lindelof ដើម្បីស៊ុតបាល់បញ្ចូលទៅជួយឲ្យក្រុម Man United នាំមុខមុន នៅកីឡដ្ឋាន Los Carmenes នៅនាទី ទី៣១ ពេលប្រកួតជាមួយនឹងក្រុមដែលកំពុងតែបង្ហាញខ្លួនជាលើកដំបូងក្នុងក្របខ័ណ្ឌអឺរ៉ុប។ Bruno Fernandes បានស៊ុតបាល់ប៉េណាល់ទីដើម្បីបន្ថែមការនាំមុខសម្រាប់ក្រុមខ្លួន ក្រោយពីរូបគេត្រូវបានធ្វើឲ្យដួលដោយកីឡាករ Yan Eteki ខណៈដែលការស៊ុតបាល់ពីចំណុចពិន័យ១១ម៉ែត្ររបស់ខ្សែបម្រើអន្តរជាតិព័រទុយហ្គាល់រូបនេះ បានរត់ចូលតាមប្រឡោះដៃរបស់អ្នកចាំទី Rui Silva។
ជាមួយគ្នានេះ ការមានទម្រង់លេងមិនល្អក្នុងការប្រកួតរបស់ Arsenal ក្រោមការដឹកនាំរបស់លោក Mikel Arteta បានធ្វើឲ្យក្រុមកាំភ្លើងធំមួយនេះ ដាក់ក្តីសង្ឃឹមក្នុង Europa League ក្នុងការប្រជែងដណ្តើមពាននៅឆ្នាំនេះ ប៉ុន្តែ ក្រុមជើងឯករងឆ្នាំ២០១៩មួយនេះ បានជួបការខកចិត្តតាមរយៈគ្រាប់បាល់តាមស្មើរបស់ Tomas Holes នៅនាទី ទី៩៤៕
ប្រភពព័ត៌មាន៖ Channel News Asia