បរទេស៖ ការប្រកួតដ៏រំភើបឈ្មោះថា Clasico ជាលើកទី៤៥របស់ Lionel Messi នៅថ្ងៃសៅរ៍ ក៏អាចនឹងក្លាយជាការប្រកួតជាលើកចុងក្រោយរបស់គេផងដែរ ខណៈដែលក្រុម Barcelona សម្លឹងរកការពង្រឹងការអភិវឌ្ឍរបស់ពួកគេក្រោមការដឹកនាំរបស់លោក Ronald Koeman តាមរយៈការផ្តួលក្រុម Real Madrid ដើម្បីឡើងឈរលើកំពូលតារាងក្របខ័ណ្ឌ La Liga។
រង្វាន់សម្រាប់ក្រុមឈ្នះនៅកីឡដ្ឋាន Valdebebas គឺការទម្លាក់ក្រុម Atletico Madrid ចេញពីចំណាត់ថ្នាក់លេខ១ ជាលើកដំបូង បើគិតចាប់តាំងពីខែធ្នូ ពោលគឺនៅមុនពេលពួកគេបាននាំមុខដល់ទៅ១០ពិន្ទុ ជាមួយនឹងការសល់១ប្រកួតក្នុងដៃ កាលពីដើមខែកុម្ភៈ។ ប៉ុន្តែ ការធ្លាក់ចុះទម្រង់លេងរបស់ក្រុម Atletico នាពេលថ្មីៗនេះបូករួមទាំងក្រុម Real Madrid និង Barca ឡើងទម្រង់លេង បានបង្ហាញឲ្យឃើញថា ការមានពិន្ទុនាំមុខរបស់ពួកគេនឹងបញ្ចប់។ ជាមួយគ្នានេះ សំណួរផ្សេងៗកំពុងតែចោទសួរថា តើក្រុមរបស់លោក Diego Simeone អាចស្រោចស្រង់វិញ និងរៀបចំក្រុមឡើងវិញ ដើម្បីរក្សាការស្ថិតក្នុងការប្រជែងដណ្តើមពានរហូតដល់ដំណាក់កាលចុងក្រោយ ឬអត់។
ក្រុមដែល Atletico នឹងត្រូវប្រជែងជាមួយ នៅក្នុងការប្រកួត៩លើកចុងក្រោយ អាចនឹងអាស្រ័យទៅលើលទ្ធផលនៅចុងសប្តាហ៍នេះ នាកីឡដ្ឋាន Alfredo di Stefano ខណៈដែលក្រុមយក្ស២របស់អេស្ប៉ាញ នឹងព្យាយាមបង្ហាញពីភាពខ្លាំងរបស់ខ្លួនរៀងៗខ្លួន៕
ប្រភពព័ត៌មាន៖ Channel News Asia
