បរទេស៖ ក្លឹប Leeds United បានចូលរួមប្រជែងជាមួយក្លឹបនៅក្របខណ្ឌ Premier League ដើម្បីនឹងនាំយកខ្សែប្រយុទ្ធចាស់វស្សា Sergio Aguero មកកាន់ទឹកដី Elland Road នៅពេលបញ្ចប់រដូវកាល២០២០-២០២១ នេះយោងគេហទំព័រ 90Min បានចុះផ្សាយ។
ការចូលរួមនេះគឺកើតមានឡើងក្រោយពីខ្សែប្រយុទ្ធដែលរកគ្រាប់បាល់បានច្រើនបំផុតសម្រាប់ក្រុមមេឃខៀវ ManCity រូបនេះ ត្រូវបានក្លឹបប្រកាសពីការចែកផ្លូវគ្នា ក្រោយរួមរស់ក្រោមដំបូលទឹកដី Etihad អស់រយៈពេល១ទសវត្សកន្លងមកនេះ។
មានក្លិបនៅលីកកំពូលអង់គ្លេសចាប់អារម្មណ៏ចង់បានកីឡាករវ័យ ៣២ ឆ្នាំមករួមក្រុមដោយគ្មានតម្លៃខ្លួន (Free Transfer) ដែលក្នុងនោះមានដូចជា Chelsea ខណៈក្លឹបយក្ស Barcelona នៅលីកកំពូលអេស្បាញផងដែរ។ ប៉ុន្តែ Leeds United ក្រោមការដឹកនាំរបស់អ្នកចាត់ការទូទៅសញ្ជាតិអាហ្សង់ទីនលោក Marcelo Bielsa បានបង្ហាញពីគុណសម្បត្តិគ្រប់គ្រាន់ដើម្បីទាក់ទាញខ្សែប្រយុទ្ធដ៏មានបទពិសោធន៏រូបនេះមកកាន់កីឡាដ្ឋាន Elland Road ដើម្បីស្នាក់នៅចក្រភពអង់គ្លេសជាបន្តទៀត៕
ប្រភពព័ត៍មាន៖ 90min
