បរទេស៖ Sergio Aguero នឹងត្រូវពិនិត្យសុខភាពបេះដូង រយៈពេលប៉ុន្មានថ្ងៃខាងមុខនេះ ដើម្បីកំណត់ពីមូលហេតុដែលគាត់មានអការៈឈឺដើមទ្រូងពិបាកដកដង្ហើមអំឡុងពេលប្រកួតពានរង្វាន់ La Liga នៅថ្ងៃសៅរ៍ក្នុងលទ្ធផលស្មើគ្នាជាមួយក្រុមDeportivo Alaves។កីឡាករអន្តរជាតិអាហ្សង់ទីនត្រូវបានបញ្ជូនចេញពី ទីលាននៅនាទីទី ៤២ នៃការប្រកួតតង់ទី១ដើម្បីសង្គ្រោះជីវិត ។
អតីតខ្សែប្រយុទ្ធប្រវត្តិសាស្រ្កក្រុមMan.City ត្រូវបានគេហទំព័រ Marcaអេស្បាញចុះផ្សាយថាៈកីឡាករអន្តរជាតិ អាមេរិកខាងត្បូងរូបនេះកំពុង ‘ស្ថិតក្រោមការឃ្លាំមើល ពីក្រុមគ្រូពេទ្យជំនាញក្នុងរយៈពេលពីរបីថ្ងៃចុងក្រោយនេះយ៉ាងយកចិត្តទុកដាក់បំផុត។ប្រភពខាងលើបន្តថាៈ ការបន្តតាមដានសុខភាពបេះដូងនិងប្រព័ន្ធផ្លូវដង្ហើម និងត្រូវធ្វើអោយប្រាកដពីមូលហេតុ ដ៏រាបណាក្លឹបក៏ នឹងមិនអនុញ្ញាតឱ្យកីឡាករវ័យ ៣៣ ឆ្នាំសញ្ជាតិអាហ្សង់ទីនរូបនេះវិលត្រឡប់មកកាន់ទីលានវិញឡើយ។
Aguero បានខកខានការចាប់ផ្តើមយុទ្ធនាការជួយក្រុមរដូវកាលថ្មី ជាមួយនឹងបញ្ហាកំភួនជើង ប៉ុន្តែបានបង្ហាញខ្លួនក្នុងការប្រកួត ៥ លើកចុងក្រោយរប៉ុន្តែ បានស៊ុតបញ្ចូលទីគ្រាប់បាល់លើកដំបូងក្នុងជំនួបEl-Clasico ពេលជួប Real Madrid កាលពីចុងសប្តាហ៍មុន៕
ប្រភពព័ត៍មាន៖ Sportsmole