បរទេស៖ Sergio Aguero នឹងប្រកាសចូលនិវត្តន៍ពីអាជីពជាកីឡាករបាល់ទាត់នៅថ្ងៃពុធខាងមុខនេះ។ កីឡាករអន្តរជាតិអាហ្សង់ទីនរូបនេះខកខានបង្ហាញខ្លួនឱ្យក្លឹប Barcelona ចាប់តាំងពីចុងខែតុលាមកម្ល៉េះ បន្ទាប់ពីត្រូវបានប្តូរចេញភ្លាមៗពេលលេងទល់នឹងក្រុម Alaves ក្នុងក្របខ័ណ្ឌ La Liga ដោយសារតែមានការឈឺចាប់ទ្រូង និងពិបាកដកដង្ហើម។
ដំបូងឡើយ Aguero ត្រូវបានគេរំពឹងថា អាចនឹងចំណាយពេលបីខែនៅក្រៅទីលាន ដោយត្រូវការ ការតាមដានយ៉ាងដិតដល់ដោយអ្នកជំនាញវេជ្ជសាស្រ្ដ ប៉ុន្តែប្រភពថ្មីៗ នេះបានះអះអាងថា Aguero នឹងត្រូវបង្ខំចិត្តចូលនិវត្តន៍តែម្តង។
ទោះបីជាយ៉ាងណាក៏ដោយ បើតាមអ្នកសារព័ត៌មាន Emilio Perez de Rozas បានអះអាងថា ក្លឹប FC Barcelona នឹងមានសេចក្តីប្រកាសមួយនៅថ្ងៃពុធនេះ ដែលបញ្ជាក់ថា ខ្សែប្រយុទ្ធ Kun Aguero នឹងចូលនិវត្តន៍ ដោយសារបញ្ហាបេះដូងរបស់គាត់៕
ប្រភពព័ត៍មាន៖ Sportsmole