បរទេស៖ ក្រុម Inter Milan របស់លោក Antonio Conte បានពង្រឹងចំណាត់ថ្នាក់របស់ខ្លួននៅលើតារាង Serie កាលពីថ្ងៃអាទិត្យ ខណៈដែលកីឡាករ Matteo Darmian បានស៊ុតបាល់បញ្ចូលទីតែ១គ្រាប់នោះ ក្នុងពេលក្រុមខ្លួនបានយកឈ្នះលើក្រុម Cagliari ១-០ ដើម្បីធ្វើឲ្យការឈ្នះជាប់ៗគ្នារបស់ពួកគេ កើនដល់១១លើកជាប់ៗគ្នា។
ក្រុមម្ចាស់ការពារជើងឯក Juventus បានពង្រឹងចំណាត់ថ្នាក់លេខ៣របស់ពួកគេ តាមរយៈការយកឈ្នះលើក្រុម Genoa ៣-១ ខណៈដែលក្រុម Atalanta បានយកឈ្នះលើក្រុម Fiorentina ក្នុងលទ្ធផល ៣-២ ដើម្បីរក្សាការឈរលេខ៤លើក្រុម Napoli ដែលបានផ្តួលក្រុម Sampdoria ២-០។ ក្រោយពីបានក្រុម Inter បានរក្សាការនាំមុខ១១ពិន្ទុលើក្រុមឈរលេខ២ AC Milan ដែលបានផ្តួលក្រុម Parma ៣-១ កាលពីថ្ងៃសៅរ៍ លោក Conte បានឲ្យដឹងថា៖ «យើងកំពុងតែចាប់ផ្តើមមើលឃើញខ្សែផ្តាច់ចុងក្រោយឡើយ»។
ខ្សែបម្រើស្លាប Achraf Hakimi បានចូលលេងក្នុងនាមជាកីឡាករបម្រុង និងជួយឲ្យ Darmian រកបានគ្រាប់បាល់ឈ្នះស្របពេលដែលនៅសល់១៣នាទីចុងក្រោយក្នុងការប្រកួតនៅកីឡដ្ឋាន San Siro។ ទាក់ទងនឹងការប្រជែងពានលីកជាលើកទី១របស់ពួកគេ បើគិតចាប់តាំងពីឆ្នាំ២០១០ លោក Conte បានបញ្ជាក់ថា៖ «វាមិនងាយស្រួលឡើយក្នុងការស្ថិតក្រោមសម្ពាធ ប៉ុន្តែ យើងនឹងស៊ាំនឹងសម្ពានោះឡើយ។ យើងត្រូវតែបន្តរក្សាកម្រិតខ្លាំង ខណៈដែលយើងឈានទៅកាន់គោលដៅរបស់យើង»៕
ប្រភពព័ត៌មាន៖ Channel News Asia