បរទេស៖ គេហទំព័រ The Mirror បានចុះផ្សាយ Manchester United នឹងត្រូវបង់ប្រាក់ដល់ទៅចំនួន២លានផោនសម្រាប់ Edinson Cavani ខកខានមិនបន្តចុះកុងត្រាថ្មីរយៈពេល ១២ ខែ ទៀតនោះទេដោយយោងលើកិច្ចព្រមព្រៀងរវាងភាគីទាំងពីរបានព្រមព្រៀងគ្នា ។
ស្របពេលកិច្ចសន្យាចាស់មានសុពលភាពត្រឹមខែមិថុនានេះ Cavani វ័យ ៣៤ ឆ្នាំដែលបានចូលរួមជាមួយក្រុមបិសាចក្រហមក្នុងការផ្ទេរដោយគ្មានតម្លៃខ្លួនកាលពីដើមរដូវកាល រកគ្រាប់បាល់បញ្ចូលទីចំនួន ៧ គ្រាប់មកហើយ ក្រោយបង្ហាញខ្លួនគ្រប់ក្របខណ្ឌប្រកួត ២៨ លើក។ក្នុងនោះដែររូបគេទើបតែរកគ្រាប់បាល់អោយ Man Utd វាយបកផ្តួល Tottenham កាលពីយប់ថ្ងៃអាទិត្យម្សិលមិញនេះ។ ប្រភពខាងលើបន្តថា:នៅក្នុងកិច្ចព្រមព្រៀងនោះបានបញ្ជាក់ច្បាស់ថាប្រសិនជាអតីតខ្សែប្រយុទ្ធ PSG និង Napoli រូបនេះ ដើរចេញពីក្លឹបក្រោយបញ្ចប់កិច្ចសន្យាចាស់ នោះរូបគេគឺត្រូវទទួលបានទឹកប្រាក់បន្ថែមចំនួន២លានផោនដោយស្វ័យប្រវត្តិ។
មានក្លឹបយក្សនៅលីកកំពូលអាហ្សង់ទីន Boca Juniors ត្រូវបានបណ្តាញសារពត៌មានចុះផ្សាយថាកំពុងសិក្សាពី លទ្ធភាព ចុះហត្ថលេខានាំយកប្រសិនខ្សែប្រយុទ្ធអន្តរជាតិអ៊ុយរូហ្គាយមករួមក្រុមដោយគ្មានតម្លៃខ្លួនផងដែរ។ ប៉ុន្តែអនាគតយ៉ាងណានោះគឺនៅមិនទាន់ច្បាស់នៅឡើយទេសម្រាប់ Cavani៕
ប្រភពព័ត៍មាន៖ Sportsmole
