បរទេស៖ ខ្សែបម្រើ Joshua Kimmich របស់ក្លិប Bayern Munich ជឿជាក់ថា ក្រុមម្ចាស់ការពារតំណែងជើងឯកមួយនេះ អាចផ្តួលក្រុម Paris Saint-Germain បាននៅកីឡដ្ឋាន Parc des Princes នារាត្រីនេះ ក្នុងការប្រកួតក្របខ័ណ្ឌ Champions League វគ្គ៨ក្រុមចុងក្រោយ ជើងទី២របស់ពួកគេ នៅរាត្រីនេះ ដើម្បីឈានទៅវគ្គ៤ក្រុមចុងក្រោយ។
Kimmich បានប្រាប់គេហទំព័ររបស់ក្លិបថា៖ «ខ្ញុំជឿជាក់ថា យើងនឹងឈានទៅវគ្គបន្ត ពីព្រោះយើងជាក្រុមខ្លាំងជាង»។ Bayern ត្រូវបានស្រោចស្រង់លទ្ធផលចាញ់ ៣-២ ពីការប្រកួតជើងទីកាលពីសប្តាហ៍មុន ក្នុងទីក្រុង Munich។ Kimmich បានប្រាប់បន្តថា៖ «យើងជាក្រុមខ្លាំងជាង ក្នុងការប្រកួតជើងទី១ ប៉ុន្តែ ជាអកុសល្យ លទ្ធផលមិនឆ្លើយតបទៅនឹងទម្រង់លេងឡើយ។ ម្យ៉ាងវិញទៀត ខ្ញុំជឿជាក់ថា យើងនៅតែអាចស្រោចស្រង់វិញបានក្នុងការប្រកួតជើងទី២»។
បើទោះបានព្យាយាមស៊ុតបាល់សំដៅទីរបស់ក្រុម PSG ដល់ទៅ៣១គ្រាប់ និងចំគោលដៅ១២គ្រាប់ក៏ដោយ ប៉ុន្តែ ក្រុម Bayern បានរងបរាជ័យក្នុងការប្រកួតជើងទី១លើទឹកដីខ្លួនឯង ក្រោយពី Kylian Mbappe បានស៊ុតបាល់បញ្ចូលទី២គ្រាប់ ហើយ Marquinhos បានស៊ុតបាល់បញ្ចូលទី១គ្រាប់ ខណៈដែល PSG បានស៊ុតបាល់ចំគោលដៅត្រឹមតែ៤គ្រាប់គត់។ Kimmich បានបន្ថែមទៀតថា៖ «ក្នុងការប្រកួតជើងទី១ ពួកគេបានដាក់សម្ពាធ៣លើក និងបានស៊ុតបាល់បញ្ចូលទីទាំង៣លើក។ ក្រៅពីនោះ ខ្ញុំមិនចាំថា PSG មានឱកាសច្រើនឡើយ»៕
ប្រភពព័ត៌មាន៖ Channel News Asia