បរទេស៖ ក្រុមម្ចាស់ផ្ទះ Brighton មានឱកាសរកបាន១ពិន្ទុពីក្រុមភ្ញៀវ Everton ដើម្បីខិតកាន់តែកៀកទៅកាន់តំបន់សុវត្ថិភាពនៃក្របខណ្ឌ Premier League សម្រាប់ការប្រកួតក្នុងលទ្ធផលស្មើគ្នានៅឯកីឡដ្ឋាន Amex កាលពីយប់ថ្ងៃច័ន្ទ។ គិតត្រឹមសប្តាហ៏ទី៣១នេះ Brighton បានឡើងមកឈរនៅលេខរៀងទី ១៥ ដោយមានគម្លាត៧ ពិន្ទុពីលើក្រុមលេខ ១៨ Fulham ដែលលេងបានដល់៣២ប្រកួតទៅហើយ។
Brighton មានឱកាសធ្វើការវាយសម្រុកបានច្រើនលើក ប៉ុន្តែមិនមានសំណាងទាល់តែសោះ ខណៈដែលក្លឹប Everton បានមានឱកាសស៊ុតតិចបំផុត ហើយក៏មិនទទួលបានលទ្ធផលដូចគ្នា។
ក្លឹប Everton បានអវត្តមានខ្សែប្រយុទ្ធឆ្នើម Dominic Calvert-Lewin ដោយសារតែរបួស ហើយលទ្ធផលចែកគ្នាម្នាក់១ពិន្ទុនេះគឺមិនទាន់គ្រប់គ្រាន់សម្រាប់ក្រុមលោក Carlo Ancelloti មានកៅអីទៅលេងនៅ ក្របខ័ណ្ឌ Champions League នៅឡើយទេ ព្រោះតែក្រុមកំពុងឈរនៅលេខរៀងទី៨នៅមានគម្លាតពីក្រុមលេខ ៤ West Ham ចំនួន ៧ ពិន្ទុឯណោះ៕
ប្រភពព័ត៍មាន៖ BBC