បរទេស៖ Manchester United បានឈានទៅកាន់ក្របខ័ណ្ឌ Europa League វគ្គពាក់កណ្តាលផ្តាច់ព្រ័ត្រ ក្រោយពីគ្រាប់បាល់ស៊ុតបញ្ចូលទីរបស់ Edinson Cavani និងការធ្វើឲ្យបាល់ចូលទីខ្លួនឯងរបស់ Jesus Vallejo បានជួយឲ្យពួកគេទទួលជ័យជម្នះ ២-០ លើទឹកដីខ្លួនឯង លើក្រុម Granada កាលពីថ្ងៃព្រហស្បតិ៍ និងបំពេញការឈ្នះទាំង២ជើងក្នុងលទ្ធផល ២-០ លើក្រុមអេស្ប៉ាញមួយនេះ។
Man United នឹងត្រូវប៉ះជាមួយនឹងក្រុម AS Roma ដើម្បីប្រជែងយកកៅអីទៅវគ្គផ្តាច់ព្រ័ត្រ នាថ្ងៃទី២៦ ខែឧសភា នៅទីក្រុង Gdansk ក្រោយពីក្រុមរបស់អ៊ីតាលីមួយនេះ បានឈ្នះក្រុម Ajax Amsterdam ទាំង២ជើងក្នុងលទ្ធផល ៣-២ ក្រោយពីបានបញ្ចប់ក្នុងលទ្ធផលស្មើ ១-១ លើទឹកដីខ្លួនឯងក្នុងការប្រកួតជើងទី២ នៃវគ្គ៨ក្រុមចុងក្រោយរសប់ពួកគេ។ ជាមួយគ្នានេះ ក្រុមកាំភ្លើងធំ Arsenal បានស៊ុតបាល់បញ្ចូលទី៣គ្រាប់ក្នុងចន្លោះពេល៦នាទីនៃត់ទី១ ដើម្បីឈានទៅប្រកួតក្របខ័ណ្ឌ Europa League វគ្គពាក់កណ្តាលផ្តាច់ព្រ័ត្រ ខណៈដែលពួកគេបានយកឈ្នះលើក្រុម Slavia Prague ដោយងាយក្នុងលទ្ធផល ៤-០។
កីឡាករ Nicolas Pepe, Alexandre Lacazette និងBukayo Saka បានស៊ុតបាល់បញ្ចូលទីនៅចន្លោះនាទី ទី១៨ និងទី២៤ ហើយបន្ទាប់មកខ្សែប្រយុទ្ធ Lacazette បានបន្ថែម១គ្រាប់ទៀតនៅតង់ទី២ ដើម្បីបំពេញជ័យជម្នះរបស់ខ្លួន និងឈ្នះទាំង២ជើងក្នុងលទ្ធផល ៥-១។ Arsenal នឹងត្រូវប៉ះជាមួយនឹងក្រុម Villarreal របស់អេស្ប៉ាញ ក្នុងការប្រកួតវគ្គពាក់កណ្តាលផ្តាច់ព្រ័ត្រ ដែលនឹងចាប់ផ្តើមប្រកួតនៅថ្ងៃទី២៩ ខែមេសា៕
ប្រភពព័ត៌មាន៖ Channel News Asia