បរទេស៖ គ្រាប់បាល់តែ១គ្រាប់របស់ខ្សែបម្រើស្លាប Hakim Ziyech នៅនាទីទី៥៥ បានជួយអោយក្រុមតោខៀវ Chelsea បញ្ចប់ក្តីសង្ឃឹមរបស់ក្រុមមេឃខៀវ Man City ក្នុងឪកាសសម្លឹងឃើញឈ្នះពាន៤ជា ប្រវត្តិសាស្ត្របន្ទាប់ពីបានផ្តួលគូប្រជែងមួយនេះក្នុងការប្រកួតវគ្គពាក់កណ្តាលផ្តាច់ព្រ័ត្រពានរង្វាន់ FA Cup នៅឯកីឡដ្ឋាន Wembley កាលពីយប់ថ្ងៃសៅរ៏ម្សិលមិញនេះ។
Man City និង Chelsea ក៏បានកក់កៅអីវគ្គ ៤ ក្រុមចុងក្រោយនៃក្របខ័ណ្ឌ Champions League នៅសប្តាហ៍នេះផងដែរ ខណៈ Chelsea ត្រូវជួប Real Madrid និង Man City បន្តជួប PSG។ ប៉ុន្តែទោះបីបរាជ័យបាត់បង់ពាន FA Cup មួយទៅហើយក្តីក្រុមលោក Pep Guardiola មានគម្លាតដល់ទៅ១១ពិន្ទុលើក្រុម Man Utd សម្រាប់ការប្រកួតក្របខណ្ឌ Premier League និង ត្រូវការឈ្នះ៣ដងទៀតនិងមានឪកាសលើកពានជាលើកទី៣ក្នុងរយៈពេល៤ឆ្នាំចុងក្រោយនេះ។
Man City និងត្រូវមានភារកិច្ចមួយបន្ថែមទៀតនោះគឺការប្រកួតផ្តាច់ព្រ័ត្រពានរង្វាន់ Carabao Cup រឺ League Cup ជាមួយ Tottenham ផងដែរនៅថ្ងៃទី ២៥ ខែមេសាខាងមុខនេះ៕
ប្រភពព័ត៍មាន៖ BBC
