បរទេស៖ ត្រឹមតែ១២នាទីក្លឹបអ្នកមានបុណ្យ FC Barcelona មានឱកាសស៊ុតបញ្ជូលទីដល់ទៅ៤គ្រាប់ ដើម្បីផ្តួលក្រុម Athletic Bilbao និងឈ្នះពាន Copa del Rey ជាលើកដំបូងក្រោមការដឹកនាំរបស់គ្រូបង្វឹកលោក Ronald Koeman និងជាការឈ្នះពានលីគក្នុងស្រុកជាលើកដំបូងរបស់ពួកគេចាប់តាំងពីឆ្នាំ ២០១៩ មក។
គ្រាប់បាល់៤គ្រាប់របស់ Barcelona រកបានដោយកីឡាករ Antoine Griezmann នៅនាទីទី ក្រោយការបញ្ជូនពីស្លាបខាងស្តាំរបស់ Frankie De Jong មុនពេល Frenkie de Jong មានឱកាសតែតគ្រាប់បាល់ទី២ដោយការបញ្ជូនពីស្លាបខាងឆ្វេងរបស់ Jordi alba។ ប្រធានក្រុម Lionel Messi មានឪកាសស៊ុត២គ្រាប់យ៉ាងល្អ និងជាគ្រាប់បាល់នាំមុខទី៣ពេលលេងស៊ីសង្វាក់គ្នាជាមួយ De Jong មុនពេលបន្ថែមគ្រាប់បាល់ទី៤ក្រោយការបញ្ជូនរបស់ខ្សែការពារស្លាបឆ្វេង Jordi Alba។
អ្នកចាត់ការទូទៅសញ្ជាតិហូឡង់លោក Koeman បច្ចុប្បន្នកំពុងដឹកនាំ Barcelona ឈរនៅលេខរៀងទី ៣ នៅក្របខណ្ឌ La Liga បានបញ្ជាក់ប្រាប់ថាៈដើម្បីឈ្នះពានគឺសំខាន់សម្រាប់ខ្ញុំ។ទោះបីមានការផ្លាស់ប្តូរនៅក្លឹបនិងកីឡាករវ័យក្មេងក៏ដោយនៅ Barcelona អ្នកត្រូវតែប្រយុទ្ធដណ្តើមពានរង្វាន់ជានិច្ច។សម្រាប់ AT Bilbao គឺជាបរាជ័យផ្ទួនៗវគ្គផ្តាច់ព្រ័ត្រ Copa del Rey ក្នុងរយៈពេល ២ សប្តាហ៍បន្ទាប់ពីពួកគេបានចាញ់ក្រុម Real Sociedad ក្នុងការប្រកួតវគ្ភផ្តាច់ព្រ័ត្ររដូវកាលចាស់ដែលពន្យាពេលមកដល់ថ្ងៃ ៣ ខែមេសាកន្លងទៅនោះ៕
ប្រភពព័ត៍មាន៖ BBC