បរទេស៖ Jorginho ជឿជាក់ថាការទទួលខុសត្រូវដឹកនាំChelsa គឺជាភារកិច្ចមួយដ៏ធំនិងជារឿងកើតឡើងយ៉ាងឆាប់រហ័សពេកសម្រាប់ អតីតគ្រូបង្វឹកលោក Frank Lampard ទទួលបន្ទុកដឹកនាំ។
ខ្សែបម្រើស្លាបអន្តរជាតិអ៊ីតាលីដែលមានដើមកំណើត ប្រេស៊ីលបានអះអាងបន្តថា: ចូលមកដឹកនាំក្លឹបក្នុងនាមជាវីរបុរសក៏ពិតមែនប៉ុន្តែកង្វះខាតបទពិសោធន៏ក្នុងកំរិតលីកលំដាប់កំពូលគឺមិនគ្រប់គ្រាន់ហើយជាឧបសគ្គដ៏ធំបំផុតដែលលោក Lampard បានប្រឈមមុខដោះស្រាយ ក្រោយចូលមកដឹកនាំក្លឹបនៅឆ្នាំ ២០១៩ក្រោយពីដឹកនាំ Derby Countyបានត្រឹមតែ១រដូវកាលនោះ ។ ទោះយ៉ាងណាអតីតខ្សែបម្រើក្រុមជម្រើសជាតិអង់គ្លេសបានបាត់បង់តួនាទីក្រោយពីដឹកនាំក្រុមមិនទទួលបានលទ្ធផលសមប្រកប ហើយក៏ត្រូវបានក្លឹបបញ្ចប់តំណែងក្នុងខែមករា ២០២១កន្លងទៅនេះ។
គួរបញ្ជក់ថា Lampard បានចំណាយពេលប្រកបអាជីពជាមួយChelsea ជាងមួយទសវត្សក្រោយផ្ទេរពី West Ham ក្នុងឆ្នាំ ២០០១ ។ ខ្សែបម្រើកណ្តាលរូបនេះចូលលេងបានជាង ៦០០ ប្រកួតអោយ Chelsea និងរកបានជាង ២០០ គ្រាប់ដោយជួយក្លឹបឈ្នះពានធំៗគឺ Premier League ៣ ដងនិងពានរង្វាន់ទ្វីបអឺរ៉ុបនៅឆ្នាំ២០១២ ក្នុងចំណោមពានរង្វាន់កិត្តិយសផ្សេងទៀត៕
ប្រភពព័ត៍មាន៖ Goal