បរទេស៖ ប្រធានក្លឹប Barcelona លោក Joan Laporta និងផ្តល់ជូនសំណើរកិច្ចសន្យាថ្មីដល់ Lionel Messi រយៈពេល ៣ ឆ្នាំបើទៅះបីជាក្លឹបកំពុងប្រឈមបញ្ហាវិបត្តិហិរញ្ញវត្ថុយ៉ាងណាក៏ដោយ។គួរបញ្ជាក់ថាអនាគតរបស់ប្រធានក្រុមយក្សកាតាឡាន់រូបនេះនៅតែជួបរឿងស្រពេចស្រពិលនៅឡើយ ខណៈដែលកិច្ចសន្យារបស់ខ្លួននៅមានសុពលភាពតែជាងពីរខែទៀតប៉ុណ្ណោះ។
Messi បច្ចុប្បន្នមានប្រាក់ចំណូលប្រចាំឆ្នាំប្រមាណ ៧៥ លានយូរ៉ូស្មើនិង (៦៥,៤ លានផោន) ក្នុងមួយឆ្នាំ នៅទឹកដី Camp Nou ទោះបីជាបែបនេះក្តី ក្លឹបនៅមិនទាន់ដឹងថានិង អាចបន្តប្រាក់ឈ្នួលកំរិតខ្ពស់បំផុតបែបនេះ ដល់ម្ចាស់ពានរង្វាន់បាល់មាស Ballon D’or ៦ សម័យកាលបានរឺយ៉ាងណា?ក្រោយពីក្លឹបរងផលពី ជំងឺកូវីត-១៩ ដូចជាបណ្តាក្លឹបធំៗដទៃទៀតនៅទ្វីបអឺរ៉ុបដូច្នេះដែរ ។
យោងគេហទំព័រ ESPN ប្រធានក្លឹបលោក Laporta បានត្រៀមផ្តល់សំណើរដល់ខ្សែប្រយុទ្ធឆ្នើមវ័យ៣៥ឆ្នាំរូបនេះ នូវកិច្ចសន្យារយៈពេល ២ ឆ្នាំ ជាមួយនិងជម្រើសបន្ថែម១ឆ្នាំទៀត ហើយប្រសិនជាប្រាក់ខែធ្លាក់ចុះនោះក្លឹបនិងត្រៀមបើករំលឹកសងទូទាត់វិញនៅឆ្នាំបន្ទាប់។ មួយវិញទៀតទោះបីជាស្ថានភាពហិរញ្ញវត្តុមិនសូវអំណោយផល លោក Laporta ក៏នៅមានផែនការចង់នាំយក Haaland ឬ Neymar ដើម្បីបញ្ចុះបញ្ចូលអោយ Messi កាន់តែមានទំនុកចិត្តបន្តស្នាក់នៅយូរឆ្នាំបន្តទៀត ក្រោយពីអតីតដៃគូប្រយុទ្ធដ៏មុតស្រួចបានព្រលយពាក្យថាចង់វិលត្រលប់មកវិញជាមួយនិងការកាត់ប្រាក់ឈ្នួល នោះ៕
ប្រភពព័ត៍មាន៖ Sportsmole
