បរទេស៖ លោក Thomas Tuchel អ្នកចាត់ការទូទៅរបស់ក្រុម Chelsea បានធ្វើការរិះគន់ធ្ងន់ៗទៅលើរូបមន្តថ្មីរបស់ក្របខ័ណ្ឌ Champions League តាមរយៈការបញ្ជាក់ថា ទាំងគ្រូបង្វឹក និងកីឡាករ ត្រូវបានគេហៅទៅពិភាក្សាទៅលើផែនការនានាក្នុងការបន្ថែមការប្រកួតទៀត ទៅលើកម្មវិធីប្រកួតដែលមមាញឹករួចជាស្រេចឡើយ។
សហព័ន្ធកីឡាបាល់ទាត់ទ្វីបអឺរ៉ុបហៅកាត់ថា UEFA កាលពីសប្តាហ៍មុន បានអនុម័តការកែទម្រង់លើយុទ្ធនាការកម្រិតក្លិបមួយនេះ ដែលនឹងចូលជាធរមាននៅក្នុងឆ្នាំ២០២៤ ប៉ុន្តែ ការប្រកាសលើកំណែទម្រង់នេះ ត្រូវបានរំខានដោយសារតែការបង្កើត និងការដួលរលំរបស់ក្របខ័ណ្ឌ European Super League (ESL)។ ចំនួនក្រុមដែលចូលរួមប្រកួតក្នុងវគ្គចែកពូលនៃក្របខ័ណ្ឌ Champions League នឹងកើនពី៣២ រហូតដល់៣៦ ខណៈដែលក្រុមទាំងអស់ត្រូវធ្វើការប្រកួតចំនួន១០លើក ដើម្បីប្រជែងកៅអីទៅវគ្គបន្ត។ ក្រុម Chelsea គឺជាក្រុមមួយក្នុងចំណោមក្រុមដែល១២ ដែលបានចុះហត្ថលេខាគាំទ្រការបង្កើតពាន ESL ដែលនឹងកាន់តែផ្តល់ភាពមមាញឹកដល់កីឡាករ ដោយជាអប្បរមាក្លិបដែលចូលរួម ត្រូវធ្វើការប្រកួតចំនួន១៨លើកក្នុង១រដូវកាល។
លោក Tuchel បានឲ្យដឹងកាលពីថ្ងៃចន្ទថា៖ «ខ្ញុំមិនប្រាកដចិត្តថា ខ្ញុំចូលចិត្តរូបមន្តនេះឡើយ ពីព្រោះខ្ញុំអាចមើលឃើញពីការបង្កើតកាន់តែច្រើនពីរូបមន្តនេះ។ ការប្រកួតកាន់តែច្រើនក្នុងកម្មវិធីដែលយើងមាន។ វាពិតជាលំបាកសម្រាប់ខ្ញុំក្នុងការរំភើបចំពោះរូបមន្តថ្មីនេះ»៕
ប្រភពព័ត៌មាន៖ Channel News Asia