បរទេស៖ វីរបុរសក្លឹប Manchester United លោក Rio Ferdinand បានបង្ហើបប្រាប់ថា ក្លឹបយក្សអេស្បាញ Barcelona និង Real Madrid បានចាប់អារម្មណ៍ចង់បានរូបលោកទៅរួមក្រុមរបស់ពួកគេកាលពី១៣ឆ្នាំមុន។ ប៉ុន្តែជាការឆ្លើយតបវិញអតីតកីឡាករអន្តរជាតិអង់គ្លេសរូបនេះផងដែរបានប្រាប់ភ្នាក់ងាររបស់ខ្លួននៅកំលុងពេលនោះថាមិនមានបំណងផ្លាស់ចេញពីទឹកដី Old Trafford នោះទេ។
Ferdinand បច្ចុប្បន្នជាអ្នកវិភាគកីឡាប្រចាំទូរទស្សន៏Sky Sports ធ្លាប់ប្រកបអាជីពនៅទឹកដី Old Trafford ចន្លោះឆ្នាំ ២០០២ និង ២០១៤ បានប្រាប់គេហទំព័រ Daily Mail ថា៖ «បន្ទាប់ពី Man Utd បានផ្តួល Barcelona និងឈានទៅ វគ្គពាក់កណ្តាលផ្តាច់ព្រ័ត្រ Champions League ឆ្នាំ ២០០៨ ខ្ញុំទទួលបានការសន្ទនាជាមួយពួកគេ។ ហើយ Real Madrid ក៏បានបង្ហាញពីការចាប់អារម្មណ៏លើរូបខ្ញុំផងដែរ»។
Ferdinand បន្តថា៖ «ខ្ញុំមានមនសិការតស៊ូដើម្បីសាងកេរិ៍្តឈ្មោះ យ៉ាងលំបាកដូច្នេះដើម្បីជោគជ័យខ្ញុំមិនមានអារម្មណ៏ថាចង់ចាកចេញពីក្លឹបបន្តិណាឡើយ។ មួយវិញទៀតខ្ញុំក៏មិនចង់មានតួនាទីជាគ្រូបង្វឹកនាពេលបច្ចុប្បន្នដូចដែល Frank Lampard និង Steven Gerrard ធ្លាប់បាននិងកំពុងធ្វើដូច្នេះដែរ»៕
ប្រភពព័ត៍មាន៖ Besoccer