បរទេស៖ Rio Ferdinand មានបំណងចង់ប្រាប់ Cristiano Ronaldo ឱ្យចូលទៅអង្គុយនៅកៅអីជាមួយកីឡាករបម្រុងវិញប្រសើរជាជាងឈរបញ្ជាបែបនេះ ។អតីតខ្សែការពារប្រវត្តិសាស្រ្តក្លឹបបន្ថែមថាៈ ប្រសិនខ្ញុំជាគ្រូបង្វឹក និយាយដោយស្មោះត្រង់ខ្ញុំនិងអោយគាត់អង្គុយចុះ។ ការលើកឡើងរបស់វីរបុរសក្លឹបរូបនេះកើតមាន ក្រោយពីប្រធានក្រុម ជម្រើសជាតិព័រទុយហ្គាល់Ronaldo បានបញ្ចេញកាយវិការរអ៊ូរទាំ ចាប់ផ្តើមរអ៊ូរ ទាំដោយពាក្យសម្តី និង បញ្ជាមិត្តរួមក្រុមក្រោយប្តូរចេញកំលុងពេលMan.Utd ចាញ់ Young Boysក្នុងលទ្ធផល២ទល់និង១ ។
កីឡាករវ័យ ៣៦ ឆ្នាំរូបនេះបានបន្តការចាប់ផ្តើមរកគ្រាប់បាល់ជាលើកដំបូងសម្រាប់ការប្រកួតជម្រុះក្នុងពូលនៅក្របខ័ណ្ឌ Champions League នៅថ្ងៃអង្គារខណៈ Aaron Wan-Bissaka ត្រូវបានពិន័យកាតក្រហមភ្លាមៗនៅមុនពេលបញ្ចប់តង់ទី ១ផងដែរ។ Ronaldo ក៏ដូចជាមិត្តរួមក្រុម Bruno Fernandes ត្រូវបានដកចេញនៅនាទីទី ៧២ នៃការប្រកួតដែលជាការសម្រេចចិត្តមួយ ដែលបានធ្វើ ឱ្យមានការរិះគន់ដល់ការសម្រេចចិត្តរបស់អ្នកចាត់ការទូទៅលោក Ole Gunnar Solskjaer ។
ប៉ុន្តែជំនួសឱ្យការចូលទៅអង្គុយសម្រាក Ronaldo បានបន្តឈរនៅក្បែរ លោក Solskjaer ហើយណែនាំពី បច្ចេកទេសលេងដល់មិត្តរួមក្រុមកំពុងនៅទីលានខណៈ Fernandes ក៏បានចូលរួមផងដែរដែរ។ វាមិនមែនជារឿងចៃដន្យនោះទេដែលម្ចាស់ពានបាល់មាស៥សម័យ បានបញ្ចេញកាយវិការរបៀបនេះ ព្រោះតែកន្លងមក នៅវគ្គផ្តាច់ព្រ័ត្រយូរ៉ូឆ្នាំ ២០១៦ ក៏ធ្លាប់បានបង្ហាញទង្វើដូចនេះផងដែរពេលពួកគេផ្តួលបារាំងដើម្បីលើកពានជាប្រវត្តិសាស្រ្ត៕
ប្រភពព័ត៍មាន៖ Metro
