បរទេស៖ Rio Ferdinand ជឿជាក់ថា Cristiano Ronaldo បានបង្ហាញពីអារម្មណ៏សប្បាយរីករាយ ជាមួយមិត្តរួមក្រុមថ្មី បន្ទាប់ពីការបង្ហាញខ្លួនជាលើកទី ២ ក្រោយចាកចេញ១២ឆ្នាំ។ ខ្សែប្រយុទ្ធស្លាបក្រុមជម្រើសជាតិព័រទុយហ្គាល់ក៏បានបង្ហាញកាយវិការ លើកទឹកចិត្តពួកគេដើម្បីបន្តក្លាយជាបេក្ខភាពប្រជែងពានខ្លាំងបំផុតនៅរដូវកាលនេះ ។
ជាលទ្ធផល Ronaldo មានឪកាសស៊ុតបញ្ចូលទី២គ្រាប់ពេលចូលលេងលើកដំបូងក្រោយផ្តួល Newcastle ៤ទល់និង១ដើម្បី បន្តរក្សាលទ្ធផលមិនទាន់ស្គាល់ចាញ់សោះក្រោយចាប់ផ្តើមរដូវកាលថ្មីចំនួន៤សប្តាហ៏។ ផ្ទុយទៅវិញក្នងនាមជាអតីតមិត្តរួមក្រុមលោក Ferdinand បានបញ្ជាក់ថាRonaldoនៅ មិនទាន់សប្បាយចិត្តទាំងស្រុងទេ។
ហើយ១ចំនុចនោះអតីតខ្សែការពារក្រុមជម្រើសជាតិអង់គ្លេសនិង ManUtd បានប្រាប់ FIVE Youtube Show ថាៈ គាត់អាចលោតបានតែចំនុចដែលគាត់និងត្រូវទទួលបានបាល់នៅឡើយមិនទាន់ទូលំទូលាយព្រោះតែកំលុងការប្រកួតជាមួយ Newcastle មិត្តរួមក្រុមរបស់ខ្លួនពិសេសនៅតំបន់បម្រើស្លាបនិងបម្រើកណ្តាលមិនបានបញ្ចូនរឺ Cross បាល់ឆ្លងកាត់ប្រអប់បានច្រើនទេ។ ការពិតនោះគឺ Ronaldo ចង់ទាញយកអត្ថប្រយោជន៍និងប្រើប្រាស់អោយអស់ពីសមត្ថភាព ដើម្បីរកគ្រាប់បាល់ប្រសិនការបញ្ជូនបាល់ចូលក្នុងតំបន់គ្រោះថ្នាក់បានច្រើនបំផុតតាមដែលអាចធ្វើទៅបាន៕
ប្រភពព័ត៍មាន៖ Metro