បរទេស៖ អនាគតរបស់លោក Ole Gunnar Solskjaer ក្នុងនាមជាអ្នកចាត់ការទូទៅរបស់ក្លិប Manchester United ត្រូវបានធ្វើឲ្យស្ថិតក្នុងភាពមិនច្បាស់ ដោយសារតែអតីតខ្សែការពាររបស់ក្រុមបិសាចក្រហមមួយនេះគឺលោគ Rio Ferdinand ដែលបានអំពាវនាវឲ្យ «ផ្ទេរតំណែងរបស់ខ្លួនឲ្យគេទៅ»។
លោក Solskjaer កំពុងធ្លាក់ចូលក្នុងសម្ពាធដ៏ធំ ក្រោយពីការរងបរាជ័យលើទឹកដីខ្លួនឯងក្រោមស្នាដៃក្រុម Manchester City កាលពីថ្ងៃសៅរ៍ និងចាញ់ក្រុម Liverpool ក្នុងលទ្ធផល ៥-០ កាលពីខែមុន។ ក្នុងពេលនិយាយក្នុងកម្មវិធី Vibe with Five YouTube លោក Ferdinand បានបញ្ជាក់ថា វាប្រហែលជាដល់ពេលសម្រាប់គ្រូបង្វឹកសញ្ជាតិន័រវែសរូបនេះហើយ ក្នុងការចាកចេញពីក្លិបនៅកីឡដ្ឋាន Old Trafford និងបានបន្ថែមថា «លោកនឹងចាកចេញទាំងភាពរីករាយ»។ លោក Ferdinand បាននិយាយថា៖ «បើនិយាយពីចំណុចដែលគាត់បានចាប់ផ្តើម ទៅកាន់ចំណុចដែលគាត់នៅជាមួយនឹងយើងតាំងពីដើមរដូវកាលនេះ ខ្ញុំគិតថា មានភាពវិជ្ជមាន»។
លោក Solskjaer បានធ្វើឲ្យខ្លួនឯងស្ថិតក្នុងការឃ្លាំមើល ក្រោយពីការរងបរាជ័យក្នុងលទ្ធផល ២-០ ក្រោមស្នាដៃក្រុម Man City ខណៈដែលការចាញ់នេះ បានកើតឡើងក្នុងរយៈពេលត្រឹមតែ១៣ថ្ងៃ ក្រោយពីការចាញ់ក្រុម Liverpool ៥-០ លើទឹកដីខ្លួនឯង។ Man United រកបានត្រឹមតែ៤ពិន្ទុគត់ ពីការប្រកួត៦លើកចុងក្រោយ និងកំពុងតែស្ថិតក្នុងចំណាត់ថ្នាក់លេខ៦លើតារាង ដោយដេញតាមពីក្រោយ Chelsea ៩ពិន្ទុ៕
ប្រភពព័ត៌មាន៖ BBC
