បរទេស៖ ខ្សែប្រយុទ្ធឆ្នើម​ Harry Kane បានបញ្ជាក់សាជាថ្មីម្តងទៀតនូវបំណងប្រាថ្នាចង់ឈ្នះពានលើកដំបូងក្នុងអាជីពក្រោយខកខានឱកាស​សាជា​ថ្មីបន្ទាប់ពី បរាជ័យវគ្គផ្តាច់ព្រ័ត្រពាន Carabao Cup ពេល Tottenhamត្រូវ Man City ផ្តួលកាលពីថ្ងៃអាទិត្យសប្តាហ៏មុន។

ប្រធានក្រុមជម្រើសជាតិអង់គ្លេសវ័យ ២៧ ឆ្នាំបានបរាជ័យជាលើកទី៣របស់ខ្លួនក្នុងវគ្គផ្តាច់ព្រ័ត្រ ស្របពេលមានសំនួរលើក​ឡើងជាច្រើនថា Kane គួរបន្តលេងរឺត្រូវចាកចេញក្រោយពីកិច្ចសន្យាបច្ចុប្បន្នរបស់ខ្លួនជាមួយក្លឹបមាន់ខ្នាយមាសមា​នសុពលភា​ព​រហូត​ដល់ឆ្នាំ២០២៤ ខណៈ​ Tottenham កំពុងឈរនៅលេខរៀងទី ៧។ ទោះបីប្រឈម​និងបញ្ហា​របួសប៉ុន្តែ Kane នៅតែអាចស៊ុត​បាល់​បញ្ចូលទីបាន ៣១ គ្រាប់ក្នុងការបង្ហាញខ្លួន ៤៤ លើកនៅរដូវកាលនេះនិងបានឈ្នះពាន​រង្វាន់​កីឡាករឆ្នើមប្រចាំឆ្នាំមាន​ឈ្មោះថា ​(London Football Award) ផងដែរ។

Kane បានប្រាប់ទូរទស្សន៍ Sky Sports លើបញ្ហាខាងលើនេះយ៉ាងដូច្នេះថា៖ «នៅពេលដែលខ្ញុំក្រឡេកមើលទៅយ៉ាងវែង​ឆ្វាយ​សម្រាប់ចុង​បញ្ចប់នៃអាជីពវាគឺ​ជា​អ្វីដែលខ្ញុំនឹងចាប់យកបានច្រើន ប៉ុន្តែគោលដៅក្នុងពេលឥឡូវនេះក្នុងនាមជាកីឡាករម្នាក់គឺការឈ្នះពានរង្វាន់ជាមួ​យ​ក្រុម។ វាគួ​រឱ្យធុញ​ទ្រាន់​​ណាស់ ក្រោយខកខានជាច្រើនដង​ហើយខ្ញុំពិតជាមានមោទនភាពក្នុងការឈ្នះវាមានន័យថាវា​ជារដូវ​កាលដ៏ល្អមួយនៅលើទីលាន។ ដូច្នេះខ្ញុំត្រូវតែព្យាយាមនិងបន្តនូវអ្វីដែលខ្ញុំកំពុងធ្វើ»៕

ប្រភពព័ត៍មាន៖ BBC