បរទេស៖ ក្រុម Barcelona បានបាត់បង់ឱកាសក្នុងការឡើងទៅឈរលើកំពូលតារាង កាលពីថ្ងៃព្រហស្បតិ៍ ខណៈដែលការរងបរាជ័យដ៏មិននឹកស្មានដល់ក្នុងលទ្ធផល ២-១ ក្រោមស្នាដៃក្រុម Granada បានបន្ថែមការប្រែប្រួលមួយផ្សេងទៀតក្នុងការប្រជែងដណ្តើមពាន La Liga ក្នុងរយៈពេលជាច្រើនឆ្នាំមកនេះ។
Barca គួរតែអាចដណ្តើមយកការគ្រប់គ្រង់លើកំពូលតារាង តាមរយៈការនាំមុខ១ពិន្ទុលើក្រុម Atletico Madrid ប៉ុន្តែ ក្រុម Granada បានវាយបកតាមពីក្រោយ ដើម្បីដណ្តើមបានជ័យជម្នះដ៏មិននឹកស្មានដល់ នាកីឡដ្ឋាន Camp Nou ខណៈដែលលទ្ធផលនេះ នឹងផ្តល់ឱកាសបន្ថែមទៀតដល់បេក្ខភាពប្រជែងពាន។ Lionel Messi រកបានគ្រាប់បាល់បញ្ចូលទី ទី៣៣របស់គេ នៅរដូវកាលនេះ ដើម្បីជួយឲ្យក្រុម Barcelona នាំមុខមុន ប៉ុន្តែ ពួកគេមិនបានធ្វើឲ្យលទ្ធផលមានភាពច្បាស់លាស់ឡើយ ហើយ Granada បានវាយបកវិញដើម្បីបំបាក់មុខក្រុមម្ចាស់ផ្ទះតែម្តង។
បច្ចុប្បន្ន Barca នៅតែស្ថិតក្នុងចំណាត់ថ្នាក់លេខ៣ ដោយស្មើពិន្ទុជាមួយនឹងក្រុម Real Madrid ខណៈដែល Atletico នៅតែនាំមុខ២ពិន្ទុលើតារាង ស្របពេលដែល Sevilla កំពុងតែស្ថិតក្នុងចំណាត់ថ្នាក់លេខ៣ ដោយដេញតាមពីក្រោយ៣ពិន្ទុ៕
ប្រភពព័ត៌មាន៖ Channel News Asia
