បរទេស៖ ក្លឹប RB Leipzig បានបញ្ជាក់កាលពីថ្ងៃព្រហស្បតិ៍ថាលោក Jesse Marsch នឹងចូលកាន់តំណែងក្រុម RB Leipzig នៅខែកក្កដានេះ ជំនួសគ្រូបង្វឹកវ័យក្មេង Julian Nagelsmannដែលបានចាកចេញទៅដឹកនាំក្លឹបBayern Munich នៅខែកក្កដាដូចគ្នាក្រោយពីការប្រកាសជាផ្លូវការណ៏របស់ក្លឹបកាលពីថ្ងៃអង្គារនេះ ។
នាយកផ្នែកកីឡាប្រចាំក្លឹប Leipzig លោក Oliver Mintzlaff បានមានប្រសាសន៍ថាជាមួយនឹងវត្តមានរបស់លោក Jesse Marsch យើងមានឪកាសនាំយកគ្រូបង្វឹកកំរិតខ្ពស់ដើម្បីមកបំពេញតួនាទីដ៏សំខាន់បំផុតនៅក្នុងក្លឹប។
អតីតគ្រូបង្វឹកជំនួយនៃក្រុមជម្រើសជាតិសហរដ្ឋបច្ចុប្បន្នមានវ័យ៤៧ឆ្នាំរូបនេះ និង ចូលមកដឹកនាំក្លឹបអាជីពទី៣ បន្ទាប់ពីធ្លាប់មានបទពិសោធន៏ដឹកនាំក្លឹប New York Red Bulls រយៈពេល៣ឆ្នាំ និង ពីរឆ្នាំជាមួយក្លឹប Salzburg ។លោក Marsch ក៏ធ្លាប់ធ្វើជាជំនួយការគ្រូបង្វឹកក្លឹប RB Leipzig ជំនាន់លោកRalf Rangnick ក្នុងរដូវកាល ២០១៨-១៩ ដោយជួយក្លឹបឱ្យឡើងដល់វគ្គផ្ដាច់ព្រ័ត្រ German Cup និងបញ្ចប់រដូវកាលក្នុងចំណាត់ថ្នាក់កំពូលទាំង ៣ នៅលីកកំពូលអាឡឺម៉ង់នាពេលនោះផងដែរ៕
ប្រភពព័ត៍មាន៖ Besoccer