បរទេស៖ Tottenham Hotspur បានកំនត់ពេលវេលាត្រៀមជួបជាមួយគ្រូបង្វឹក Erik ten Hag របស់ក្រុមAjax ដើម្បីចរចាររូបលោកមកដឹកនាំក្រុមរបស់ពួកគេ។បើទោះបីជាក្រុមទើបតែតែងតាំងអតីតខ្សែបម្រើRyan Mason ជាគ្រូបង្វឹកបណ្តោះអាសន្នរហូតបញ្ចប់រដូវកាលនេះ ក្រោយចែកផ្លូវ ជាមួយលោកJose Mourinho កាលពីសប្តាហ៍មុនក៏ដោយ។ បច្ចុប្បន្នប្រធានក្លឹបលោកDaniel Levyកំពុងតែសំរាំងយកបេក្ខភាពគ្រូបង្វឹកឆ្នើមដើម្បីមកជំនួសអតីតគ្រូបង្វឹកសញ្ជាតិព័រទុយហ្គាល់ដែលចូលបំពេញតួនាទីបានត្រឹមតែ ១៨ ខែកន្លងមកនោះ។
ក្រោយពីគ្រូបង្វឹកRB Leipzig លោក Julian Nagelsmann បានព្រៀមព្រៀងទៅដឹកនាំBayern Munich នៅរដូវកាលថ្មីស្របពេលគ្រូបង្វឹក Leicester City លោក Brendan Rodgers មិនចាប់អារម្មណ៏និងការងារនេះផងដែរនោះយោងអ្នកសារពត៌មានអ៊ីតាលីដ៏ល្បីឈ្មោះគឺលោក Fabrizio Romano បានបញ្ជាក់ថា Tottenham កំពុងផ្តោតការយកចិត្តទុកដាក់លើលោក Ten Hag នាពេលនេះ។
គ្រូបង្វឹកសញ្ជាតិហូឡង់បានចំណាយពេល ៤ ឆ្នាំដឹកនាំ Ajax មានកំណត់ត្រាឈ្នះ ១១៩ ដងពីការប្រកួតសរុប ១៦៣ ។មិនតែប៉ុណ្ណោះ បាននាំពួកគេឈានទៅវគ្គពាក់កណ្តាលផ្តាច់ព្រ័ត្រនៃក្របខ័ណ្ឌ Champions League រដូវកាល ២០១៨-១៩ និងបរាជ័យពេលជួបTottenham ហើយលោក Ten Hag ធ្លាប់មានបទពិសោធន៏ ដឹកនាំ ក្លឹប Go Ahead Eagles, Utrecht និងគ្រូបង្វឹកបណ្តោអាសន្នក្លឹប Bayern Munichផងដែរ៕
ប្រភពព័ត៍មាន៖ Sportsmole