បរទេស៖ ក្រុម Inter Milan និងត្រូវធ្វើដំណើរទៅសួរសុខទុក្ខក្រុម Crotone នៅរាត្រីនេះ ខណៈក្រុមលោក Antonio Conte សម្លឹងឱកាសលើកពានលីកកំពូល Serie A ជាលើកដំបូងរបស់ខ្លួន ក្រោយខកខានចាប់តាំងពីឆ្នាំ ២០១០ កន្លងទៅពោលគឺ១១ឆ្នាំមកហើយ។មានន័យថា Inter Milan ដែលនាំមុខគូប្រជែងលេខ២ Atalanta ចំនួន១១ ពិន្ទុឈរនៅលើកំពូលតារាងនឹងមានឪកាស លើកពានប្រសិនជាពួកគេផ្តួល Crotone នៅថ្ងៃសៅរ៏នេះ។ហើយ Atlanta មិនអាចផ្តួល Sassuolo រឺស្មើសម្រាប់ការប្រកួតដែលនិងត្រូវធ្វើ ឡើងនៅថ្ងៃអាទិត្យនោះInter Milan នឹងឈ្នះពាន Serie A លើកទី ១៩ ដោយស្វ័យប្រវត្តិខណៈការប្រកួតនៅសល់ ៤ ប្រកួតទៀតនិងបិទបញ្ចប់រដូវកាល។
លោក Steven Zhang ប្រធានក្លឹបInter Milan ដែលជាជនជាតិចិននិង វិលត្រឡប់ទៅកាន់ទីក្រុងមីឡាននៅសប្តាហ៍នេះដើម្បីចូលរួមត្រៀមអបអរសាទរការឈ្នះពាននេះផងដែរ ។ខ្សែប្រយុទ្ធឆ្នើម Romelu Lukaku រកបាន២១ គ្រាប់ ខណៈ Lautaro Martínez រកបាន១៥ គ្រាប់ ខណៈ Crotone និងរំពឺងលើខ្សែប្រយុទ្ធ Simy ដែលជាអ្នករកគ្រាប់បាល់ច្រើនជាងគេទី ៣ Serie A ដែលបានយកឈ្នះ Parma ដើម្បីព្យាយាមគេចពីតំបន់កាត់ចោល ។
រីឯក្រុមការពារតំណែងជើងឯក Juventus បច្ចុប្បន្នឈរនៅលេខរៀងទី ៤ ស្របពេលតំណែងលោក Andrea Pirlo ដែលកំពុងរងសម្ពាធកាន់តែខ្លាំងពេលពួកគេធ្វើដំណើរទៅផ្ទះ Udinese ដើម្បីសម្លឹងឪកាសប្រជែងយកចំណាត់ថ្នាក់កំពូលទំាង៤(Top ៤) ពេលបញ្ចប់រដូវកាល។ គិតត្រឹមសប្តាហ៏ទី៣៣Juventusមានពិន្ទុស្មើគ្នាជាមួយក្រុមលេខ ៣ Napoli និងលេខ៥ AC Milan ខណៈLazio ឈរនៅលេខរៀងទី៦មានគម្លាត៥ពិន្ទុដោយមាន១ប្រកួតក្នុងដៃ។រីឯក្រុម AC Milan ធ្វើជាម្ចាស់ផ្ទះទទួលក្រុមលេខរៀងទី១៨Beneventoនៅទឹកដី Sansiro ខណៈខ្សែប្រយុទ្ធឆ្នើម Zlatan Ibrahimovic បានវិលត្រលប់មកជួយក្រុមវិញក្រោយពីពួកគេចាញ់២ប្រកួតជាប់ៗគ្នាកន្លងមក៕
ប្រភពព័ត៍មាន៖ Besoccer