បរទេស៖ ក្រុមមេឃខៀវ Man. City នឹងឈ្នះពាន Premier League ជាលើកទី៣ក្នងុរយៈពេល៤រដូវកាលនៅថ្ងៃអាទិត្យនេះដោយស្វ័យប្រវត្តិបន្ទាប់ពីផ្តួលក្រុមម្ចាស់ផ្ទះ Crystal Palace ក្នុងលទ្ធផល២ទល់និង០សម្រាប់ការប្រកួតកាលពីយប់ថ្ងៃសៅរ៏ម្សិលមិញនេះ។ម្ចាស់ជើងឯក Carabao Cup និងបន្តលើកពានទី២ក្នុងរដូវកាលប្រសិនគូប្រជែងតែមួយគត់គឺបិសាចក្រហម Man. Utd ចាញ់ភ្ញៀវហង្សក្រហម Liverpoolនៅយប់ថ្ងៃអាទិត្យនេះ។ប៉ុន្តែក្រុមលោកSolskjaer និងឪកាសបន្តប្រជែងពានដែលខិតកាន់តែឆ្ងាយប្រសិនMan.Utdបាន ត្រឹមស្មើខណៈការប្រកួតនៅសល់៤ដងទៀតនិងបិទបញ្ចប់រដូវកាល។
ខ្សែប្រយុទ្ធដ៏មានបទពិសោធន៏សញ្ជាតិអាហ្សង់ទីន Sergio Aguero នៅតែជាអ្នកនាំសំណាងដោយមានឪកាសបញ្ចប់ទីបានយ៉ាងល្អដោយគ្រាប់បាល់បើកឆាកសម្រាប់ក្រុមលោកPep Guardiola ជាភ្ញៀវក្រោយការបញ្ជូនរបស់ខ្សែការពារស្លាបអន្តរជាតិបារាំងBenjamin Mendy មុនពេលខ្សែការពារ Ferran Torres ស៊ុតបញ្ចូលទីជើងឆ្វេងយ៉ាងល្អ បន្ថែម១គ្រាប់ទៀតដើម្បីរក្សាជ័យជំនះដ៏សំខាន់នេះ។
គិតត្រឹមសប្តាហ៏ទី៣៤នេះ Man.City មានគម្លាត១៣ពិន្ទុពីក្រុមMan.Utd(មាន១ប្រកួតក្នុងដៃ)និងត្រូវជួបហង្សក្រហមLiverpoolដែលបាត់បង់ឪកាសការពារតំណែងជើងឯកទៅហើយនោះ ។ ដូច្នេះនៅថ្ងៃអាទិត្យថាតើពួកគេនិងអាចបង្អាក់ដំណើរលើកពានរបស់Man.City បានមួយគ្រាទៀតរឺយ៉ាងណានោះទេ?
ប្រភពព័ត៍មាន៖ BBC
