បរទេស៖ ក្រុមអធិរាជស Real Madrid បានបញ្ជាក់ថាកីឡាករ Raphael Varane នឹងខកខានការប្រកួតជើងទី ២ វគ្គពាក់កណ្ដាលផ្ដាច់ព្រ័ត្រ Champions League ជាមួយក្រុមម្ចាស់ផ្ទះតោខៀវ Chelsea ដោយសារបញ្ហារបួស។កីឡាករអន្តរជាតិបារាំងរូបនេះបានចូលលេងពេញ ៩០ ក្នុងជើងទីមួយនៅទឹកដី Alfredo De Stefano កាលពីសប្តាហ៍មុន។ ប៉ុន្តែ Varane បានចូលលេងត្រឹមតែ ៤៥ នាទី ប៉ុណ្ណោះសម្រាប់ការប្រកួតក្នុងលីកពេលផ្តួល Osasuna កាលពសប្តាហ៍មុនពេលត្រូវបានប្តូរចេញក្រោយស្ថានភាពជើងដំណើរការមិនស្រួល។
ក្រុមម្ចាស់ជើងឯកទ្វីបអឺរ៉ុប១៣សម័យពេលនេះបានបានបញ្ជាក់ថា Varane ពិតជាបានរងរបួសសាច់ដុំ ខាងស្តាំ ហើយជាលទ្ធផលគាត់នឹងមិនមានឈ្មោះសម្រាប់ការធ្វើដំណើរទៅកាន់ទឹកដី Stamford Bridge ទេ។ប៉ុន្តែក្រុមលោក Zinedine Zidane ត្រៀមស្វាគមន៏ការវិលត្រឡប់របស់ខ្សែការពារពីររូបគឺ Ferland Mendy និង Sergio Ramos ។ ខណៈ Lucas Vazquez និង Dani Carvajal បន្តអវត្តមានរីឯ Marcelo មិនទាន់ច្បាស់នៅឡើយក្រោយជាប់បំពេញកាតព្វកិច្ចលើការបោះឆ្នោតក្នុងតំបន់ ។
Real Madrid និងត្រូវធ្វើដំណើរទៅកាន់រាជធានីអង់គ្លេសបន្ទាប់ពីលទ្ធផលស្មើ ១ទល់និង១ ក្នុងការប្រកួតជើងទី ១ នៃការប្រកួតរបស់ពួកគេជាមួយក្រុមតោខៀវ Chelsea ក្នុងកំឡុងពេលដែល Christian Pulisic បានបំបែកភាពទាល់ច្រកមុនពេល Karim Benzema វាយបកតាមស្មើវិញ៕
ប្រភពព័ត៍មាន៖ Sportsmole
