បរទេស៖ ក្រុមការពារតំណែងជើងឯកក្របខណ្ឌ La Liga គឺអធិរាជស Real Madrid បានទទួលជ័យជំនះដ៏ស្វិតស្វាញ បន្ទាប់ពីពួកគេបានផ្តួលក្រុមម្ចាស់ផ្ទះ Almeria ក្នុងលទ្ធផល ២ទល់និង១ ក្នុងការប្រកួតសប្តាហ៏ទី១កាលពីយប់ថ្ងៃអាទិត្យ។
អតីតខ្សែប្រយុទ្ធក្រុមបិសាចក្រហម Man. United កីឡាករ Largie Ramazani បានស៊ុតបញ្ចូលទីនាំមុខមុនសម្រាប់ក្រុមម្ចាស់ផ្ទះ Almeria ក្រោយការប្រកួតចាប់ផ្តើមបានត្រឹមតែ ៦ នាទីប៉ុណ្ណោះ។ អ្នកចាំទី Fernando Martinez បានធ្វើការជួយសង្គ្រោះបាល់ជាបន្តបន្ទាប់សម្រាប់ការខំប្រឹងប្រែងរបស់ក្រុមភ្ញៀវ ដែលព្យាយាមរកគ្រាប់បាល់មុនពេល Lucaz Vazquez វាយបកតាមស្មើនៅនាទីទី៦១ ខណៈខ្សែការពារស្លាបឆ្វេងDavid Alaba រកបានគ្រាប់ជ័យជំនះនៅនាទីទី៧៥ដោយការទាត់បាល់ហ្រ្វីឃីកបានយ៉ាងល្អ។
វាជាជ័យជំនះសម្រាប់ក្រុមលើកទីពីរក្រោយផ្តួល Eintracht Frankfurt ក្នុងការប្រកួត Uefa Super Cup កាលពីថ្ងៃពុធ Real បានឈានចូលរដូវកាលថ្មី La Liga ក្នុងអារម្មណ៍ជឿជាក់៕
ប្រភពព័ត៍មាន៖ BBC