បរទេស៖ សហប្រធានក្លឹបនិងជាសមាជិកភាគហ៊ុនធំរបស់ក្លឹបបិសាចក្រហម Man.Utd លោកAvram Glazer បានបដិសេធមិនសុំទោសដល់អ្នកគាំទ្រក្លឹបចំពោះចេតនានៃការប៉ុនប៉ងចូលរួមក្នុងព្រឹត្តិការណ៏ប្រកួតពានរង្វាន់ European Super League នាពេលកន្លងទៅថ្មីៗនេះ។មហាសេដ្ឋីសញ្ជាតិអាមេរិករូបនេះបានបន្តលាក់ខ្លួននៅក្នុងវិមានPalm Beach Mansion មិនបានបង្ហាញខ្លួនជាសាធារណៈនោះទេ បន្ទាប់ពីជួបរឿងអាស្រូវនៅលើវិស័យបាល់ទាត់នេះ។
ទោះយ៉ាងណាបណ្តាញសារព័ត៌មាន Sky Newsបានជួបសម្ភាសន៏ផ្ទាល់ជាមួយបុរសវ័យ៦០ឆ្នាំរូបនេះ កាលពីថ្ងៃពុធម្សិលមិញនេះហើយបានលើកឡើងពីសំនួរ២ ដាច់ដោយឡែកផ្សេងគ្នានៅឯចំណតរថយន្តមួយកន្លែង ។ រឿងទី១ដកស្រង់សំណួរទៅកាន់រូបលោកថា អ្នកគាំទ្ររបស់ក្រុម Manchester United គឺគ្រាន់តែជាអតិថិជនរបស់លោកឬយ៉ាងណា?ចម្លើយគឺលោកGlazer បានបដិសេធមិនធ្វើអត្ថាធិប្បាយនោះទេ។ រឿងទី២ មុនពេលចូលទៅក្នុងរថយន្តហើយបើកចេញទៅឆ្ងាយអ្នកយកព័ត៌មាន Sky News ជានារីបានបន្តសំណួរបន្ថែមថានេះជាឱកាសមួយសម្រាប់អ្នកសុំទោសហើយរឺក៏យ៉ាងណា?ប៉ុន្តែនៅតែមិនមានចម្លើយឆ្លើយតបដូចជាសំនួរដំបូងដដែល។ ផ្ទុយពីលោកលោក Joel Glazerដែលជាសហប្រធាន ក្លឹបនិងជាបងប្អូនរួមត្រកូលGlazer គឺរូបលោក ធ្លាប់បានសារភាពថាបានធ្វើខុសហើយបានសុំអភ័យទោសចំ ពោះអ្នកគាំទ្រក្រោយប៉ុន្មានថ្ងៃនៃការប្រកាសដកខ្លួនចេញពីព្រឹត្តិការណ៏ខាងលើជាផ្លូវការណ៏រួចមក។
គួរញ្ជាក់ថាប្រិយមិត្តក្រុមអ្នកគាំទ្របានសម្តែងការតវ៉ានិងមិនសប្បាយចិត្តចំពោះម្ចាស់ក្លឹបខាងលើរូបនេះ ដោយកាលពីថ្ងៃអាទិត្យ ហ្វូងអ្នកគាំទ្ររាប់រយនាក់បានបង្កការរំខានចូលទៅកាន់ទីលាន Old Trafford មុនជំនួរវាងម្ចាស់ផ្ទះ Man.Utd និង ក្រុមភ្ញៀវ Liverpoolនៅសប្តាហ៏ទី៣៤ ហើយការប្រកួតត្រូវបានលើកពេលព្រមជាមួយអ្នកតវ៉ាក៏មានខាងក្រៅកីឡដ្ឋាននិងបន្តរំខានដល់សណ្ឋាគារដែលកីឡាករកំពុងស្នាក់ផងដែរ៕
ប្រភពព័ត៍មាន៖ Daily Mail