បរទេស៖ លោក Mikel Arteta ជឿជាក់ថា ក្រុម Arsenal អាចបោះជំហានដ៏ធំបំផុតរបស់ខ្លួន «ឆ្ពោះទៅមុខ» ក្រោមការដឹកនាំរបស់លោក ប្រសិនបើពួកគេបញ្ចប់រដូវកាលរដូវកាលដ៏ត្រដាបត្រដួសមួយ តាមរយៈការកក់កៅអីរបស់ពួកគេក្នុងក្របខ័ណ្ឌ Europa League វគ្គផ្តាច់ព្រ័ត្រ។
ក្រុមកាំភ្លើងធំមួយនេះ នឹងធ្វើជាម្ចាស់ផ្ទះស្វាគមន៍អតីតគ្រូបង្វឹករបស់ខ្លួនគឺលោក Unai Emery នៅកីឡដ្ឋាន Emirates នៅរាត្រីនេះ សម្រាប់ការប្រកួតជើងទី២នៃវគ្គពាក់កណ្តាលផ្តាច់ព្រ័ត្រជាមួយនឹងក្រុម Villarreal។ ក្រុមរបស់អេស្ប៉ាញ កំពុងតែនាំមុខ ២-១ ពីការប្រកួតជើងទី១នាកីឡដ្ឋាន El Madrigal ខណៈដែលគ្រាប់បាល់ប៉េណាល់ទីរបស់ Nicolas Pepe បានជួយឲ្យក្រុម Arsenal ទទួលបានគ្រាប់បាល់ក្រៅដីដ៏សំខាន់។ ប្រសិនបើ Arsenal ទទួលជ័យជម្នះ ពួកគេអាចនឹងត្រូវទៅជួបក្រុម Manchester United ដែលមានក្តីសង្ឃឹមខ្ពសក្នុងការឈានទៅវគ្គផ្តាច់ព្រ័ត្រ ក្នុងទីក្រុង Gdansk ក្រោយពីបានផ្តួលក្រុម Roma ក្នុងលទ្ធផល ៦-២ ក្នុងការប្រកួតជើងទី១របស់ពួកគេ។ ក្រុម Arsenal មិនធ្លាប់បានលេងក្នុងក្របខ័ណ្ឌ Champions League សោះ បើគិតចាប់តាំងពីឆ្នាំ២០១៧ ប៉ុន្តែ ការឈ្នះពាន Europa League នឹងជួយឲ្យក្លិបនេះ វិលទៅកាន់យុទ្ធនាការកំពូលរបស់អឺរ៉ុបវិញ នៅរដូវកាលក្រោយ។
នៅមុនពេលការប្រកួតជើងទី២ លោក Arteta បានឲ្យដឹងថា៖ «នេះគឺជាវេលាដ៏សំខាន់។ ជាថ្មីម្តងទៀត វាមិនមែនសម្រាប់ខ្ញុំឡើយ ប៉ុន្តែសម្រាប់ក្លិបនេះ។ ហេតុនេះ វាពិតជាសំណាស់ និងជាការបោះជំហានទៅមុខដ៏ធំមួយ»៕
ប្រភពព័ត៌មាន៖ Channel News Asia
