បរទេស៖ លោក Unai Emery គ្រូបង្វឹករបស់ក្រុម Villarreal បានវិលទៅផ្តល់ការខកចិត្តដល់ក្រុម Arsenal ខណៈដែលក្រុមរបស់អេស្ប៉ាញមួយនេះ បានបញ្ចប់ក្នុងលទ្ធផលស្មើ ០-០ នៅកីឡដ្ឋាន Emirates វគ្គផ្តាច់ព្រ័ត្រ ដើម្បីជួបជាមួយនឹងក្រុម Manchester United ក្នុងវគ្គផ្តាច់ព្រ័ត្រ។
ការរងបរាជ័យនេះមានន័យថា ក្រុមកាំភ្លើងធំ នឹងត្រូវអវត្តមានក្នុងក្របខ័ណ្ឌ Champions League ក្នុងរដូវកាលជាលើកទី៥ជាប់ៗគ្នា ខណៈដែលសម្ពាធផ្សេងៗកំពុងតែកើនឡើងលើលោក Mikel Arteta ដែលជាអ្នកជំនួសកន្លែងរបស់លោក Emery នៅ Arsenal។ ដោយស្ថិតក្នុងចំណាត់ថ្នាក់លេខ៩ លើតារាង Premier League បច្ចុប្បន្ន ក្រុម Arsenal ប្រឈមមុខនឹងការមិនអាចឈ្នះកៅអីទៅលេងក្នុងក្របខ័ណ្ឌអឺរ៉ុប ជាលើកទី១ ក្នុងរយៈពេល២៦ឆ្នាំ។ លោក Arteta បានឲ្យដឹងថា៖ «យើងពិតជាខកចិត្ត។ យើងបានព្យាយាមសព្វបែបយ៉ាងរហូតដល់នាទីចុងក្រោយ។ ខ្ញុំគិតថា យើងស័ក្កិសមក្នុងការឈ្នះការប្រកួតនេះ ប៉ុន្តែ ភាពស្វិតស្វាញកំណត់ក្នុងការប្រកួតនេះ»។
ស្របពេលជាមួយគ្នានេះ Man United ក៏បានឈានទៅវគ្គផ្តាច់ព្រ័ត្រផងដែរ ក្រោយពីឈ្នះទាំង២ជើងក្នុងលទ្ធផល ៨-៥ បើទោះបីចាញ់ក្នុងជើងទី២ ៣-២ នៅលើទឹកដីក្រុម Roma ក៏ដោយ។ Villarreal នឹងត្រូវប៉ះជាមួយនឹងក្រុម Man United ក្នុងទីក្រុង Gdansk នៅថ្ងៃទី២៦ ខែឧសភា ពោលគឺរយៈពេល៣ថ្ងៃ មុនពេលក្រុម Manchester City ប្រកួតជាមួយនឹងក្រុម Chelsea ក្នុងក្របខ័ណ្ឌ Champions League វគ្គផ្តាច់ព្រ័ត្រ នៅថ្ងៃទី២៩ ខែឧសភា៕
ប្រភពព័ត៌មាន៖ Channel News Asia