បរទេស៖ សហប្រធានលោក Joel Glazer គ្រោងនឹងធ្វើការពិភាក្សាប្រកបដោយអត្ថន័យជាលើកដំបូងជាមួយអ្នកគាំទ្របិសាចក្រហមចាប់តាំងពីក្រុមគ្រួសាររបស់គាត់បានទិញក្លឹបនេះនៅឆ្នាំ ២០០៥ នាចុងខែឧសភានេះ។ មហាសេដ្ឋីជនជាតិអាមេរិកបានចេញនូវការឆ្លើយតបយ៉ាងវែងទៅនឹងការទាមទារសំខាន់ៗ ចំនួន ៤ រួមទាំងលិខិតបើកចំហរពីការជឿជាក់របស់អ្នកគាំទ្រក្លឹបកាលពីថ្ងៃសុក្រសប្តាហ៍មុននឹងបានរំលឹកឡើងវិញបន្ទាប់ពីមានការតវ៉ាកាលពីថ្ងៃអាទិត្យដែលនាំឱ្យមានការពន្យារពេលនៃការប្រកួតក្របខណ្ឌ Premier Leagueជាមួយក្រុមភ្ញៀវ Liverpool។
នៅក្នុងលិខិតរបស់លោក Glazer ក៏បានធ្វើការសុំទោសជាថ្មីម្តងទៀតចំពោះអាកប្បកិរិយា និងសកម្មភាពនៃការចូលរួមរបស់ Man United ជុំវិញព្រឹត្តការណ៏ European Super League និងការចាកចេញទៅហើយនោះ។ រូបលោកក៏បានទទួលស្គាល់ពីតម្រូវការនៃការផ្លាស់ប្តូរ ដើម្បីពង្រឹងប្រព័ន្ធលេងរបស់ក្រុម និងវិធីសាស្រ្តដែលក្លឹបបានពិភាក្សាជាមួយអ្នកគាំទ្រ និងបន្តរក្សាទំនាក់ទំនងល្អឡើងវិញបន្ថែមទៀត។
បុរសវ័យ៥៤ឆ្នាំរូបនេះបានអះអាងយ៉ាងដូច្នេះថា «ខ្ញុំចង់បញ្ជាក់ដល់អ្នកគាំទ្រថាគ្រួសារខ្ញុំ និងខ្ញុំយកចិត្តទុកដាក់យ៉ាងខ្លាំងចំពោះក្លឹប Man United និងមានស្មារតីទទួលខុសត្រូវខ្ពស់ក្នុងការការពារ និងបន្តពង្រឹងភាពខ្លាំងរបស់ក្លឹបសម្រាប់រយៈពេលវែងដោយពេលគោរពនិងតម្លៃលើប្រវត្តិសាស្រ្តនិងស្នាដៃជាកេរ្ត៏តំណែលដែលក្លឹបសម្រេចបានរយៈពេលជាច្រើនឆ្នាំកន្លងមក»៕
ប្រភពព័ត៍មាន៖ BBC
