បរទេស៖ ខ្សែបម្រើឆ្នើម Bruno Fernandes ត្រូវបានគេរាយការណ៍ថាបានបញ្ចុះបញ្ចូលក្លឹប Man Utd អោយនាំយកខ្សែការពារកណ្តាលម្នាក់ និងខ្សែបម្រើការពារម្នាក់នៅទីផ្សារដោះខាងមុខនេះ។
ខ្សែបម្រើអន្តរជាតិព័រទុយហ្កាល់រូបនេះបានបង្ហាញទម្រង់លេងបានយ៉ាងល្អដោយរូបគេអាចរកគ្រាប់បាល់បាន២៧គ្រាប់ និង Assists បាន១៧ដង គ្រប់កម្មវិធីទាំងអស់នៅរដូវកាលនេះ។ Fernandes ចង់ឃើញក្លឹប Manchester United ធ្វើការប្រកួតប្រជែងពានរង្វាន់ Premier League និង Champions League នៅរដូវកាលក្រោយ ហើយបើយោងទៅតាមសារព័ត៍មាន The Sun បានចុះផ្សាយថា Bruno ចង់អោយក្លឹបពង្រឹងនៅតំបន់ការពារ និងបម្រើការពារបន្ថែមទៀត។
កីឡាករវ័យ២៦ឆ្នាំរូបនេះជឿជាក់ថាប្រសិនបើមានខ្សែការពារកណ្តាល់ម្នាក់ទៀតដែលមានបច្ចេកទេសប៉ះបាល់ល្អ និងអាចចាប់ដៃគូរជាមួយនឹង Harry Maguire នឹងកាន់ជួយអោយរូបគេកាន់តែងាយស្រួលក្នុងការលេងនៅតំបន់បម្រើប្រយុទ្ធបន្ថែមទៀត។ Bruno ក៏មានអារម្មណ៍ថាក្លឹបគួរតែស្វែងរកខ្សែបម្រើការពារម្នាក់ទៀតដែលពូកែចែកបាល់ដូច Paul Pogba ដែលនឹងជួយតំបន់ប្រយុទ្ធកាន់តែមានភាពងាយក្នុងការលេងថែមទៀត។ គួរបញ្ជាក់ផងដែលថាក្លឹប Man Utd ក៏កំពុងបង្ហាញចាប់អារម្មណ៍កីខ្សែការពារ Rafael Varane, Jules Kunde និង Pau Torres ហើយលោក Solskjaer ក៏បានចាប់អារម្មណ៍លើខ្សែបម្រើ Declan Rice របស់ក្លឹប West Ham ផងដែរ៕
ប្រភពព័ត៍មាន៖ Sportsmole
