បរទេស៖ លោក Pep Guardiola បានសាទរចំពោះការឈ្នះពានរង្វាន់ Premier League ជាលើកទី ៣ ក្នុងរយៈពេល៤ឆ្នាំចុងក្រោយថាជាការប្រកួតប្រជែងដ៏តឹងតែងសម្រាប់ក្រុម Man. City ក្រោយឆ្លងកាត់រដូវកាលនៃការរីករាលដាលនៃមេរោគកូវីតCovid-១៩ក្នុងស្ថានភាពដ៏លំបាកបំផុត។
ក្រុមរបស់គ្រូបង្វឹកសញ្ជាតិអេស្បាញត្រូវបានប្រកាសជាផ្លូវការណ៏ពីការឈ្នះជើងឯកលីកកំពូលអង់គ្លេស បន្ទាប់ពីក្រុមម្ចាស់ផ្ទះ Man. Utd បរាជ័យចាញ់ Leicester ២ទល់និង១ កាលពីយប់ថ្ងៃអង្គារ។ Man.City ក៏បានឈ្នះពានសរុប២ហើយនៅរដូវកាលនេះនិងបន្តសម្លឹងឪកាសលើកពាន Champions League ជាលើកដំបូងនៅចុងខែនេះពេលជួបជាមួយ Chelsea នៅវគ្គផ្តាច់ព្រ័ត្រនាថ្ងៃទី២៩ ឧសភា ២០២១ខាងមុខនេះ។
អតីតគ្រូបង្វឹកBarcelona និង Bayern Munich បានបញ្ចេញពីអារម្មណ៏ពិតក្រោយឈ្នះពានដោយស្វ័យប្រវត្តិនេះ ថាៈខ្ញុំពិតជាមានមោទនភាពណាស់ដែលបានចូលមកដឹកនាំក្រុម និង គ្រប់គ្រងកីឡាករដ៏មានសមត្ថភាពនៅទីនេះ។ ពួកគេពិតជាបង្ហាញពីទេពកោសល្យនិងស្មារតីប្រយុទ្ធបានល្អដោយឆ្លងកាត់ការប្រកួតដ៏លំបាកចូលមកដល់ដំណាក់កាលនេះគួរឱ្យកត់សម្គាល់រហូតដល់តស៊ូដើម្បីទទួលបានភាពជោគជ័យដែលកើតចេញពីការព្យាយាមនិងភាពអត់ធន់៕
ប្រភពព័ត៍មាន៖ Metro
