បរទេស៖ ខ្សែបម្រើ Jadon Sancho និងខ្សែប្រយុទ្ធ Erling Haaland របស់ក្រុម Burussia Dortmund បានស៊ុតបាល់បញ្ចូលទី២គ្រាប់ដូចគ្នា ដើម្បីលត់ក្រុម RB Leipzig យ៉ាងចាស់ដៃក្នុងលទ្ធផល ៤-១ និងលើកពាន German Cup កាលពីថ្ងៃព្រហស្បតិ៍។
ខ្សែបម្រើអន្តរជាតិអង់គ្លេស Sancho បានស៊ុតបាល់កោងចូលជ្រុងម្ខាងនៃទីយ៉ាងល្អ នៅនទី ទី៥ និងបានបន្ថែម១គ្រាប់ទៀតនៅជិតបញ្ចប់ការប្រកួតតង់ទី១ ក្រោយពី Haaland ដែលទើបតែវិលពីរបួស បានអូសបាល់ចូលក្នុងប្រអប់ទី និងបានស៊ុតបាល់ផុតក្បាលអ្នកចាំទី Peter Gulacsi។ Dortmund បានបង្ហាញពីទម្រង់លេងយ៉ាងមុតស្រួចនៅតង់ទី១ ដោយបានស៊ុតបាល់បញ្ចូលទី៣គ្រាប់ តាមរយៈការស៊ុតបាល់ចំគោលដៅទាំង៣គ្រាប់។
នេះគឺជាការឈ្នះពាន German Cup ជាលើកទី៥របស់ Dortmund និងជាលើកទី១របស់ពួកគេ បើគិតចាប់តាំងពីឆ្នាំ២០១៧ ស្របពេលដែលក្រុម Leipzig បានបាត់បង់ឱកាសក្នុងការឈ្នះពានជាលើកដំបូងរបស់ខ្លួនម្តងទៀត៕
ប្រភពព័ត៌មាន៖ Channel News Asia