បរទេស៖ Neymar បានបង្ហើបប្រាប់ពីគោលបំណងចង់លេងរួមក្រុមជាមួយរៀមច្បង Cristiano Ronaldo នៅក្នុងឪកាសណាមួយដែលនិងហុចអោaយសម្រាប់អាជីពរបស់ខ្លួននាពេលខាងមុខ។
សម្រាប់ម្ចាស់ពានបាល់មាស៥សម័យ Ronaldo ត្រូវបានបណ្តាញសារពត៌មានចុះផ្សាយថាចង់ចាកចេញពីក្លឹប Juventus នៅចុងបញ្ចប់នៃរដូវកាលនេះប្រសិន Juventus មិនមានឪកាសលេងនៅក្របខណ្ឌ Champions Leagueនោះទេ។ Neymar បានបញ្ជាក់ប្រាប់យ៉ាងដូចេ្នះថា៖ «ខ្ញុំចង់ចាប់ដៃគូជាមួយ Cristiano Ronaldo ។ ខ្ញុំធ្លាប់លេងរួមក្រុមជាមួយកីឡាករឆ្នើម ៗ ដូចជា Messi និង Mbappe ប៉ុន្តែខ្ញុំមិនទាន់បានលេងជាមួយ Cristiano Ronaldo នៅឡើយទេ»។
រវាងខ្សែប្រយុទ្ធឆ្នើមក្រុមជម្រើសជាតិប្រេស៊ីលរូបនេះ និង ប្រធានក្រុមជម្រើសជាតិព័រទុយហ្គាល់វ័យ៣៦ឆ្នាំ គឺជាគូប្រជែងដ៏ខ្លាំងក្លាបំផុតកំលុងពេល Neymar លេងអោយ Barcelona ខណៈ Ronaldo លេងអោយក្រុម Real Madridនាចន្លោះឆ្នាំ២០១៣-២០១៧មុនពេលកីឡាករវ័យ២៩ឆ្នំាបានចាកចេញទៅកាន់ក្លឹបPSGក្នុងតម្លៃកំនត់ត្រាពិភពលោកនាពេលនោះ៕
ប្រភពព័ត៍មាន៖ Sportsmole
