បរទេស៖ ខ្សែបម្រើអន្តរជាតិកូឡុំប៊ី Juan Cuadrado បានស៊ុតបាល់ពិន័យ ១១ ម៉ែត្រចុងម៉ោងដើម្បីរក្សាក្តីសង្ឃឹមអោយ Juventus ក្នុងការឈានទៅប្រកួតជម្រុះកៅអីពានរង្វាន់ Champions League ជាមួយជ័យជំនះលើក្រុមជើងឯកSerieA គឺInter Milan ក្នុងលទ្ធផល៣ទល់និង២សម្រាប់ការប្រកួតសប្តាហ៏ទី៣៧កាលពីយប់ថ្ងៃសៅរ៏។
ក្រុមម្ចាស់ផ្ទះJuventusនៅសល់កីឡាករតែ១០នាក់ ក្រោយពីអាជ្ញាកណ្តាលបានផ្តល់ការពិន័យកាតលឿងលើក ទី ២ ក្នុងតង់ទី១ក្រោយ ពិនិត្យលើប្រព័ន្ធ VAR ខណៈដែល Rodrigo Bentancurត្រូវបានបណ្តេញចេញ។រីឯ ក្រុមលោកAntonio Conte នៅសល់កីឡាករតែ១០នាក់ផងដែរមុនបញ្ចប់ការប្រកួតក្រោយពីBrozovic ត្រូវអា ជា្ញកណ្តាលបណ្តេញចេញដូចគ្នានៅនាទីទី៩០+២។
គិតត្រឹមសប្តាហ៏ទី៣៧នេះJuventusនៅតែបន្តក្តីសង្ឃឹមលេងនៅក្របខណ្ឌ Champion League ដោយឡើងមកឈរនៅចំណាត់ថ្នាក់ទី៤ មុនពេលជួបBolognaនៅថ្ងៃអាទិត្យទី២៣ឧសភា ២០២១ដើម្បីប្រកួតបិទបញ្ចប់រដូវកាល។ ខណៈ Napoli ដែលធ្លាក់ទៅចំណាត់ថ្នាក់លេខ ៥ នឹងធ្វើដំណើរទៅសួរសុខទុក្ខ Fiorentina នៅថ្ងៃអាទិត្យ និងមានឪកាស ដណ្តើមចំណាត់ថ្នាក់លេខ ៤ មកវិញសម្រាប់ការប្រកួតនៅថ្ងៃអាទិត្យនេះ៕
ប្រភពព័ត៍មាន៖ BBC